150207大棠往屯門

好記得08年3月8日, 我地由屯門麥理浩徑M200逆行往深井, 當年第十段仲係舊路, 繞大欖水塘泥徑行, 即現時的越野單車徑.

前年 13年10月12日, 由大棠自然教育徑起步, 接入大欖自然教育徑及伯公坳, 行新第十段, 最後因天氣悶熱, 乾燥, 缺水, 又加上媽咪抽筋, 焗住在M187轉去掃管笏走.

今日決定要完成埋 M187 - M200一段, 但唔行大棠自然教育徑, 縮短路程, 但都有成 13公里.

今早起身, 好凍, 反而入到大棠, 比想像中暖, 但都未可以除褸.

前兩星期, 大姨媽帶我地由此去神仙轍, 雖然會搵日帶婆婆去睇下, 但唔想日子太近又去, 遲些啦.

漁護署為想改種其他品種樹, 將好多仍健康又大棵的樹木鋸斷了, 有些仲係兩人先抱晒的大樹.
細媽行行下, 大叫心心呀, 呢棵成心型的樹頭, 話俾大家知, 要珍惜大自然.

吊鐘花比前兩星期更燦爛.

婆婆又呱呱叫.

到伯公坳, 同婆婆再介紹, 佢想起去大棠荔枝園行程.

M179轉入山徑.

報春花 - 車輪梅又開花了.

到小廟, 媽咪話入廟要拜下, 入去裝支香, 祈求全家健康, 雖然我地無任何宗教信仰.

行行下, 越來越暖了.

原來呢此叫細軸蕘花.

有太陽, 媽咪摸我夠暖, 於是幫我除衫.

有樹蔭, 唔怕太曬.

今日行程唔難, 係長少少咋.

我每舊石都爬下, 好有精力, 你地估到我月尾就十歲嗎?

到呢到, 婆婆想老點行上去黃泥墩水塘, 佢話以前由上邊行落來.

婆婆, 你又唔識路, 都係跟我地啦.

婆婆神氣十足, 簡直老頑童.

大欖水塘.

藍天下.

呢度係舊麥理浩徑第十段的接口位.

今日有足夠時間, 唔會行去小欖走.

M186, 繼續直落.

M187, 分岔位, 鐵定行程去屯門.

無車可以入, 安心行.

起步大斜上返引水道.

沿引水道, 平路行, 細媽唔催我地.

細媽陪我行, 我更唔怕跌.

M192有路落黃金海岸及青山公路, 但走會麻煩些.

我地想行晒全程.

呢度又係屯門健身徑, 有好多健身設施.

佢地又個都玩下.

我地記得呢度, 即快到終點.

見到呢個牌, 媽咪記錯左, 以為由此落, 剛好有人上, 原來落去置樂花園咋.
返轉頭, 見只係到 M198, 仲有一公里.

又上斜.

係呢個位 M199, 向前繼續走屯門徑.

我地唔行了, 我都攰.

終於抵達M200.
9:14am起步, 15:18pm 完成, 輕鬆行左 6 小時, 唔錯, 唔錯.
媽咪唔熟屯門一帶, 要摸路搵車回家.