150201桃花園

昨日見深井一帶開滿吊鐘花及桃花, 細媽知道近年獅子會都種左好多桃花及梅花李花, 一於今日來碰下運氣.

入門, 已有茶花迎客.

唔知今日運氣點呢 ?

行快步先.

無估錯, 桃花開左, 因為獅子會的植物, 比較貼近天然生長, 唔會似農場買俾客的咁茂盛, 但真係好靚.

原來桃花唔止有單雙瓣之分外, 仲有不同品種.

我都唔識分.

唔止呢度.

仲有日本桃花都開花苞.

好多花苞, 如果下星期來, 肯定更開得燦爛.

但相對上, 人又會多了.

仲有深桃紅色.

田野種左粟米, 雌芯係紅色, 第一次見.

又有常見的粟米.

今日聽到漁農署職員話芫茜田被踩踏, 好多芫茜踐爛左, 佢地估係狗仔踩的, 我地要愛惜花草及園內所有植物, 大人要好好看顧小朋友們, 否則, 我地唔可以入園玩.

上年新開拓的桃花園, 今年都開花, 但難似以前一片紅海咁壯觀.

又去另一處行下.

原來楓香都有藥用價值, 清熱呀.

再去李花園.

花唔多, 未出花苞定過時呢 ?

快 11 點.

媽咪話天氣凍, 早些回家, 等婆婆早些沖涼洗頭, 明天拆線, 唔怕臭暈醫生.

第一次見的怪花.

同一品種嗎 ? 等媽咪搵下資料先.

今日真凍, 好彩著左件厚褸咋.

婆婆都無冷親, 都係快快回家食埋午飯, 洗完白白, 同細媽上床瞓個午覺.