2011年開始, 我地慣性約埋朋友仔在年初三, 一齊去三椏村團拜.
知道新年期間有雨, 決定上路經犁頭山來回.
我地行得慢, 提早起步.
昨半夜都落過雨, 四周仍迷矇一片.
好彩又唔係太濕, 泥地好乾爽.
連太陽帽都唔駛戴.
係咪睇唔慣我呢.
仙境般, 不見山.
等我吸下靈氣先.
今日無帶行山杖, 婆婆好醒目, 執到支竹.
一行到石砌路, 石面滑, 婆婆有支竹借力.
嘩, 到三椏村, 仲未見迪蘇及小噹子佢地.
唔通打破宿命.
嘩, 第一次最早到, 可以預早霸返張檯.
每檯都有大吉呀.
難得有朋友, 僅係麻煩佢地代勞, 影張全家福.
點左六味餸, 有老闆娘密制醃蘿蓄, 有大桔作飯後果, 正.
婆婆 : 撈起, 撈起, 祝大家越撈越旺, 風生水起, 盤滿缽滿, 橫財就手.
小噹子 : 我有份睇, 無份食.
只做陪客.
迪蘇 : 小噹子, 你都好過我地, 你同洛洛就有雞乾, 我地只係食媽咪麵包.
大人食飽, 我地又回程. 小噹子, 你去邊 ?
小噹子 : 我去追迪蘇.
咁我地一齊追.
終於快過迪奇.
迪奇, 唔好溜後.
追到氣咳.
回程有陽光, 戴返太陽帽先.
婆婆慢, 我地已被佢地拋離好遠.
原來佢地停低等我地.
媽咪唔想佢地等太耐, 叫佢地按自己步伐行.
婆婆 : 唔追佢地, 下次再見.
今日都超開心.
因為早出早回, 日日都可以瞓下午覺休息返, 今日都應該可以.
今日途中, 遇到一位婆婆, 佢已經 89歲, 仲大過我婆婆 13 年, 仍有心有力行山, 勁, 相信, 我地婆婆絕對有能力, 同我行多幾年.
回到烏蛟騰村, 全家又滿足享受今日.
今日, 噹媽仲整左蛋糕同曲奇餅, 全家都有份.
婆婆讚曲奇唔太甜, 又香,正.
沒有留言:
張貼留言