140216又是城門河

好早預左今早起身成地濕, 又雨又凍, 但竟然唔係呀.

細媽俾媽咪瞓多陣, 先叫我地起身食早餐.

都驚突然有雨, 好彩沙田城門河太就腳, 我地又唔怕厭, 唔需要成日搵新地方.

春天將臨, 下星期又有冷鋒到, 時暖時凍時濕, 媽咪都驚凍到我兩婆孫.

唔行得山, 咪搵地方hea 行, 點都要俾我同婆婆郁動下.

城門河係懶人地方, 來回兩邊都7-8公里, 行足可以有10公里呀.

又唔駛上落斜.

大細媽成日話, 婆婆今年都快75, 再過多幾年, 我同婆婆年紀再大, 就唔適合通山走.

城門河係我地未來每星期必到之地.

真係得呢度行咩

雖然河畔有好多雀鳥.

接近大自然.

但媽咪, 唔好懶, 諗下拉其他地方好喎

俾你食個飯, 增加血糖, 多思考先唔會快老人痴呆

細媽唔諗, 只係負責做我私家車

我負責享受.

幣, 掛住講, 喂, 我架私家車行快左, 我未上車呀.

追返架車先.

好彩架車識自動剎停.

今日行極都係凍, 都係早D返家好過.