140203初四釣魚翁郊遊徑

新年假期第四天, 係媽咪最後一天假期, 大姨媽好早提過想行釣魚翁, 因為已經有成十多年無來, 唔知條路變化成點, 我地肯定奉陪.

大表姊要留家做功課, 二表姊今晚上鳳凰山睇日出, 大姨丈昨晚臨時有事要今日辦理, 得大姨媽一個人來咋.

大姨媽話玩左三日, 全家今日要慢活呀.

今日繼續天晴, 但比昨日多煙霞.

仲有成 26 度, 簡直似夏天來臨般.

大姨媽原來有心願, 想再重踏足釣魚翁尖, 媽咪又係唔舒服, 唔夠氣奉陪, 大姨媽在第一個上山位分道揚鑣, 我地惟有在山腰等大姨媽.

好彩呢段唔係曬足全程.

婆婆玩足第四日, 在外一點倦容都無.

我都應媽咪要求, 在烈日下俾佢影笑相.

當我地在第二個上山位小休時, 剛好在樹梢望見大姨媽爬緊上頂, 仲好快速㖭.

裁相先見到大姨媽影蹤.

咁相信佢好快落山, 我地快快去匯合地點先.

到C3106, 大姨媽真係好快落到來.

睇佢幾滿足

休息一陣, 我地繼續慢活行.

烈日當空, 煙霞散了很多.

大姨媽話上落釣魚翁頂比蚺蛇尖易多好多倍, 婆婆可以在C3106等大細媽, 叫媽咪諗諗

郊遊徑係靚呀.

次次都來都熱, 又或媽咪唔舒服, 真巧合

大姨媽 : 洛洛, 玩左咁多日,夠皮未

當然夠皮, 由C3109上山一段, 好甘呀, 咁熱天, 唔可以行足呢.

今天慢活日, 全家好滿足.
早點回家附近食埋飯, 早回家沖白白.
明天細媽陪我在家休息, 等待星期六來臨