140215凍凍城門河畔

大細媽話成星期受冬季季候風影響, 溫度都維持在10度以下, 過幾日有海洋氣流取代, 會暖返些, 但今晚同星期日都有一兩陣雨, 又凍又濕, 濕身更凍, 行山就唔好了, 婆婆更唔會出來, 一於爭取今日行下城門河畔, 希望唔會好似上星期六, 行得個半鐘啦.

未有雨, 好多朋友仔出來玩.

好彩我地來城門河畔方便, 否則都唔知點算.

因為我毛質地係絲質原故, 次次著衫行山, 回家就打晒蛇餅, 次次梳成兩個鐘多, 但咁凍唔著又真係凍僵呀, 大細媽醒起我有件比較鬆闊的青蛙褸.

無咁貼身, 就少左打大蛇餅變地毯機會, 媽咪伸手入我身內都感到保暖效果.


媽咪, 我真係無打震呀.

天文台預報下午有15度, 但雲層咁厚, 現在都係得11度多點咋.

無風無雨都好D.

諗緊聽日地濕天凍, 我就留在溫暖家.

但流浪無家朋友仔就又凍又餓.

有家孩子真幸福, 媽咪常常話要提醒自己知足, 要學懂惜福, 我知道.

沿途真係好多朋友仔, 我今日常常打招呼, 唔知唔會唔講到喉沙.

婆婆, 行快D, 咁先產生熱量, 身體先暖呀.

今早10點就來到, 不如早些食午飯, 再行多個圈.

食完飯都下午一點多, 溫度都未升過.

想有暖暖陽光曬下都無.

細媽話無陽光就唔戴帽, 等全家習慣下, 我出街唔戴帽樣喎

媽咪話今日試改下影我全身相, 全身佔篇幅大, 景觀少係點.

但大頭相係細媽風格, 媽咪學唔識.

都係照返我同景合一啦

我擺多D pose俾你照啦.

天氣凍, 媽咪話唔可以沖涼, 叫我唔好玩污糟, 我無踏水呀.

太陽下山會凍返, 我地唔太遲返家.

行去大圍, 四點多, 趕及的士轉更前返家附近, 食埋個早晚餐, 時間剛剛好.
因為唔沖涼, 都要洗腳吹乾, 仲要梳返順全身打蛇餅仔毛毛, 都要罰企成個鐘呀.