140202初三叫鴨搭檯開年飯

今日初三赤口, 多數人係唔會去拜年, 行開山的, 都相約朋友出來行大運, 我地都係約返舊腳, 齊齊去三椏村搭檯. 今年仲多埋大姨媽一家㖭.

多人訂位食飯, 要訂 11:30am先得, 我地兵分三路, 先頭步隊迪蘇同得B快馬加鞭去搵定檯同叫餸菜.

我同叻叻陪婆婆行.

大姨媽一家就自行入來匯合.

中途, 婆婆發現有條蠑螈誤行在小徑中, 為免佢有危險, 媽咪放返佢入水.

今日又26-27度, 好似熱天咁.

我地頭段比較急速, 婆婆追得辛苦, 到三椏涌都係10點15分咋.


打後慢慢行, 等婆婆回下氣.

到三椏村了.

好快有得食, 唔知大姨媽去到邊呢.

10人點左 9 味美食, 仲有柑桔檸蜜.

飽食後, 先鋒隊又選下路回程.

你話係咪搭檯呢.
難得我地 5 小福一張合照.

時間早, 一點咋, 我地同大姨媽及叻叻去碼頭仔 hea下.

大姨媽同大姨丈話在碼頭來個午睡, 二表姊陪佢地.

大表姊就跟埋我地先行起步, 原路回烏蛟騰.

我同大表姊好 friend ga.

何解行極都唔見大姨媽三個追來o既
中途打電話又無人聽.....

到鳥蛟騰村, 打電話聯絡上, 原來第一個電話吵醒二表姊, 佢地真係瞓著左個多鐘
當我地call 的士時, 終於知佢地已經到九擔租, 最終我地又在停車場再相遇, 但佢地想行去新娘潭坐巴士, 大表姊選擇跟我地, 又再兵分兩路回家