130428四小傻樂在大浪西灣

又三星期了, 因為又預報星期六日會有雷雨關係, 媽咪唔敢肯定可否去西灣, 見昨日天氣都OK, 昨晚決定今日來碰下, 會否撞到迪蘇



知唔知何解我要罰企呢

係因為起步無耐, 我痾便便時, 有便便黐 pat pat, 細媽幫我洗 pat pat o羅


整理好又起步, 但都阻左一段時間

途中見個好多菇, 見到呢兩隻菇, 併上兩蚊銀就知有幾大

媽咪話預玩半日咋, 快步落沙灘先.....

四至五月, 係相思樹開花期, 媽咪年年都想去海下行黃花夾道, 可惜仲係天氣差同下雨, 無雨時, 花期又過

又見到隻BB虫, 似剛脫了皮....

乜上來吹筒坳仲係咁大風o架

落山, 衝呀

媽咪突然見有隻好面善莎莎跑落來, 又轉頭上返去, 又聽到有狗聲, 媽咪跑回吹筒坳望, 原來係迪蘇叻三個呀, 我地以為佢地會在北潭坳起步添....

想唔到咁快碰到, 當然一齊落沙灘玩啦

佢地未食早餐, 我地就落西灣跑下沙灘先

仲想過對面岩邊, 但水漲了, 媽咪佢地又無著涼鞋, 水又凍, 過唔到河添....

仲未到泳季, 唔係下水好時機, 跑沙灘都一樣咁好玩

婆婆, 你做乜走到呁遠, 我地唔可以離開大細媽視線範圍o架

媽咪, 我叫婆婆行返來, 係咪要讚下先

爽.......爽.......爽........

我跑草地係唔會跑到四手腳離地, 跑沙灘就唔同

雖然屋企附近往西貢的紅色小巴已經無左, 來西貢無上年夏季咁方便, 但我相信, 我今年多數都係在西灣渡過呢個炎夏 

除左跑沙灘, 我地又行上去岩石望下風景

上高位, 主要係望下副灘, 見唔見大細妹的媽咪同大哥, 因為今日要餵狗媽媽食避震丸呀

遠望見有兩個狗地, 行近時, 剛好灑下一陣雨, 見有隻疑似狗媽媽跟清潔工人一齊走了; 見有一隻疑似係大哥的狗仔, 佢好驚青, 媽咪拎定排包出來, 正一阿賓叫狗, 越叫越走, 而另一隻都係狗媽媽, 迪蘇媽剛好走來找兩母子, 目標唔見, 但餵埋避震丸俾呢隻狗媽都一樣 

暫時唔見目標蹤影, 惟有匯合返迪蘇叻玩下先....

叻叻, 我地要喪跑

迪奇, 幾個月無見, 近來點呀

四小傻一齊八卦 ing

有我o架, 見唔見我條尾巴仔在中央

身型 fit 爆的蘇菲

叻叻 : 下個月可以來下水禮未呢

知唔知呢團係乜

做緊拉筋碌地沙的蘇菲

剛才食過丸丸的狗媽媽又走來, 媽咪望清楚, 佢係上次誤中副車的狗媽媽, 今次又食丸, 唔怕有BB

時間差不多, 因為我地行得慢, 先行起步

回程時, 早上見的菇菌, 俾D缺德人摧殘, 唉, 何解有D咁無教養的人, 咁唔愛護大自然生物

當我地到西灣亭, 迪蘇叻仲未來到, 我地見到兩黑狗同另外兩隻黃及奶色的唐狗, 由鹿湖郊遊徑果邊行來, 媽咪走埋去睇, 原來係兩母子, 可惜媽咪手上無包同避震丸丸, 大細媽一路叫佢地停下, 初初狗媽媽都有停一停, 見我地無野俾佢地食, 就繼續往西灣方向行, 大哥似認到媽咪, 細媽想起我D雞片, 即時拎出, 見我地打開袋拎野出來, 都回頭停下, 佢右面近鼻上有樹枝刮份痕跡, 左手已經痊癒無吊起, 上次身上的刮傷疤都修好無事, 佢食左 5 片雞片後, 依依不捨望實我地唔走

我都知你地可憐, 但又無好方法幫你地, 惟有遲些再來, 帶多D野食俾你地啦