婆婆畢業禮

又一個月喇, 因為大細媽都要返工, 婆婆今日由大姨媽帶去考試, 成績表出來

白內障手術好成功, 只係預期有少少近視, 散光同老花, 年紀大, 好正常

婆婆畢業啦

大細媽匯合婆婆後, 帶佢返屋企附近再驗眼

近視度數係 100 及 150 度, 係年輕人視力, 基本日常活動, 睇野都無大問題

散光係150 及 200 度, 老花係 150 及 250 度

因為婆婆又未戴過眼鏡, 又鍾意睇 TBB 周刊, 暫時配副散光及老花眼鏡, 等佢習慣下先

大細媽都認為等佢習慣左, 又覺得有需要日常都戴眼鏡改善, 先考慮配漸進鏡呀

半年後又再考另一次試, 唔好退步呀