130427東區自然步道加繞大潭中水塘一圈

星期初又預告呢幾日狂風雷雨, 星期四晚都有雷暴警報及黃雨, 本來打定輸數, 細媽話最多行下城門河畔單車路, 昨晚媽咪臨瞓前睇下天氣, 話今日間中有幾陣雨, 於是決定行東區自然步道, 落雨都唔怕, 最多我上返細媽私家車
9:14am 起步



每次在陽明山莊閘口, 一定又凍又大風

我地起步, 都有好多住附近的狗地由賓姐帶去行晨操

到上水塘, 媽咪話望個天, 似乎早上一定唔會有雨落, 建議加遊繞中水塘一圈

婆婆, 你上次無行, 等我帶你

大潭副水塘唔太多水....

婆婆, 行中水塘一圈, 路程長左好多, 我地起碼行多兩個鐘, 唔好 Hea

頭段引水道, 真唔難

呢朵直徑得一厘米多的小黃花由草莖底部生出, 好得意

引水道旁, 見好多小花鳶尾, 真係好靚.....

離開引水道接上泥徑, 因為呢段開揚, 唔太爛路....

接上衛奕信第一段, 落紫崗橋喇

我地都未行過孖崗山, 上落山都係行石級, 媽咪考慮下啦 

上次探路, 太多人企在呢個石碑旁, 今次補影返先

婆婆, 你要有心埋準備, 因為會踏入泥路

起步仲見泥地乾o架....

開始行泥巴路, 好彩昨日無雨落過, 否則媽咪都唔會同我地行, 但呢段山路, 絕大部份係在樹蔭下, 地泥仲濕, 加上好多枯葉加泥漿, 大家要小心翼翼先得

途中會經過溪流, 剛大雨後都難行....

泥巴路無停低影相, 行完會補返, 否則點賺 more 勞費

婆婆, 又係呢個 pose, 好悶喎

學我咁甜笑啦

或者側下頭又得

一直沿水塘畔行, 好多石都有青苔, 又上又落石

仲要爬上斜坡添....

又等我擺定個pose先....

12:18pm 到中水塘大霸

中水塘見係接近滿塘, 但未致令溢水霸流出很多水....

我地沿大潭水塘道上返去大風坳喇

近期雖常常有雨, 副水塘仲未滿呀....

返上副水塘, 接返東區自然步道........

不同細小花兒, 目不暇給

幾時先滿塘呢

我地要趕返回家附近食晚餐, 途中都少影相....

但仲要食午飯o架, 食完我至愛的班蘭蛋糕又繼續行程

快到大風坳喇

都 14:39 pm, 我地落山要預個半鐘, 唔停了....

今日能見度唔高, 但近景的嫩綠葉都令成個環境都好舒服

最後廁所位, 一定停

走喇, 再遲走, 紅隧好塞車o架

真想唔到以為在家發毛, 都可以玩左一日
明天好似又話有幾陣雨, 究竟媽咪點安排呢