130407避震行動@大浪西遠足徑

今日天氣好, 真正, 最重要係今日有特別行動, 媽咪怕自己大頭蝦, 行動撻Q, 昨晚都瞓唔著
細媽話要預多D時間, 唔准太 HEA


於是, 我地無乜影相, 一支箭直落赤徑....

但點要影一兩張相卦

今日都係得15度左右, 所以我要著夾綿褸保溫, 否則就又變震震狗

好似話下午會有陽光....

其實天陰陰地, 行山就最舒服

細媽, 你又話唔準 HEA, 你自己就.....

好喇, 上大斜去鹹田第一站

婆婆, 雖然唔准HEA, 但我都會俾時間你慢慢上....

婆婆 : 唔好催我, 我知道今日好忙

為左預多D時間來行動, 我地今日 8:15AM就在北潭坳出發, 到大浪坳都係 9:47AM

上完大斜, 落山就輕鬆多...

天無厚雲, 又無煙霞, 我就易相蚺蛇尖一齊影相...

到大浪大圍, 都係上私家車安全些, 因為有成十隻村狗o架

我地從未由麥徑行去鹹田灣, 因為絕大多數人都愛行沙灘上的獨木橋過

要入村, 細媽怕我細膽而吠其他狗地, 都係抱起我, 順便行出沙灘, 等媽咪先去安記士多探大浪西兩兄弟

媽咪去到, 就見兩兄弟好悠閒同其他兄弟一齊瞓覺豬, 相信佢地食無憂, Bobby仔見媽咪就八卦望

媽咪拎D雞片出來, 7-8隻狗地就圍埋來, Peter 都醒神返, 但隻隻圍實媽咪, 媽咪都唔可以單獨影兩兄弟

離開第一站, 我地過橋喇

婆婆過左咁多次, 次次都腳震, 但今次應該睇得清楚好多, 唔會誤踩跌落水

細媽話下一站, 未必俾我跑沙灘

其實我盡情跑先

黃小花是我別名

唔 HEA得太耐, 因為下一站行動係好緊要

鹹田灣, 遲些又見喇

氣溫升高左, 細媽話我可以除衫都唔驚, 溫度舒服, 我都笑得開心多...

到目的地大浪西, 原來媽咪今日帶左好似話叫避震丸來, 準備餵大浪西幾兄弟姐妹的媽咪, 以免佢又唔小心, 又生BB喎
大細媽就係係呢個位由高向下望搵兩母子

媽咪, 唔好急, 慢慢周圍望, 細媽都會幫手, 唔驚

為免我吠聲嚇倒兩母子, 細媽抱起我走開點, 而媽咪主力行動
因為媽咪只在網上見過佢地, 佢都驚錯認, 佢一早準備晒排包, 雞片, 雞肉同丸仔, 戰戰兢兢四處搜索, 突然見疑似目標

媽咪見有一隻母狗在岩石邊向行山人士討食, 佢一支箭走去, 望下係無o者o者, 有奶奶珠, 佢好緊張同細媽講 : 見到媽咪啦


於是立刻俾排包佢食, 之後將丸仔放入雞肉, 以為餵丸成功之際, 細媽大叫 : 有兩個目標在直昇機坪呀

大頭蝦媽咪望真, 原來佢過於太心急, 無望清楚, 真係誤中副車
好彩, 都係母狗, 食左丸丸都無問題, 一樣可以避震

原來兩母子係另一邊, 望真D, 真係佢地

兩母子都好乖, 對人絕無惡意, 好彩媽咪昨晚瞓唔著時, 諗諗下, 怕粒丸太細, 驚拎出來時跌左或餵唔到, 另一粒後備會穩陣D, 拎晒丸仔出來咋

兩母子好乖等食排包月1雞片, 而剛才的母狗也走來, 佢地下一齊都無打架想搶食, 媽咪懷疑呢隻係婆婆

媽咪見大仔左手吊起, 可能唔小心整傷, 但佢除左肯埋身食雞片外, 媽咪想走近, 佢都有點驚, 幫佢唔到, 媽咪心痛, 希望佢只係小小扭傷無大礙, 好快好返啦

行動都算理想, 丸仔要三星期食一次, 下次係月尾, 睇下到時需唔需要烏龍媽咪出動o羅

我估下次佢應該唔會認錯, 而且我地夏天都會個個星期來玩水, 又可以常常睇下佢地呀

今日大細媽做完兩案行動, 安心晒, 佢地話仲有大把時間, 夠時間去老闆娘度食野

到西灣亭剛好 1 點半, 有的士呀, 細媽, 婆婆, 又話肚餓, 行快步啦