130413大欖自然教育徑至大棠

又到週末, 又係 Happy Day, 早幾日係咁落雨, 雖然昨日天氣漸好轉, 但媽咪都怕山路仍未乾透, 唔敢同婆婆行, 所以今日前段揀石屎路, 後段先行山路喎



由深井村上深井儲水池的一大段梯級, 媽咪好認真數, 係 224 級

今日係唔會有雨, 仲會有陽光, 相信行得唔辛苦

我地揀行大欖自然教育徑, 中途唔會穿插於山路

行呢度, 我好熟

細媽話全程就係跟實雀仔路行喎

中途走入蝴蝶園, 真係好多蝴蝶飛舞...

仲見有小蜥蝪添

佢突然跳出來, 細媽嚇了一跳, 點知小蜥蝪又一樣嚇呆, 媽咪放佢返樹叢, 以免俾其他人傷害到....

桃子....

黧蒴錐,曾經有伯伯叫呢D做煙花樹

細媽 : 黃家洛, 你又行水渠

我唔係想行水渠, 我行錯上左路上左斜岥, 咪沿水渠落來lor

仙茅

努力又上斜

觀景台有人, 我地唔停留了....

假正經相

其實婆婆成日愛扮野o架, 老頑童一名

又見千島湖 - 大欖水塘

更上一層樓, 望得更真D

原來呢帶都有香港帶唇蘭

又到分岔路, 當然轉上去大棠方面

真係行得超輕鬆寫意

不同深度的綠

我地來到呢度, 全家超雀躍, 事關到午餐時段

在此大休, 我最開心, 因又可以享受埋媽咪佢地份魚醬三文治

食飽又要行, 細媽催促我地, 怕唔行, 夜晚都返唔到屋企喎

到吉慶橋, 好大水聲, 嚇屎我

想唔到早前都無乜水, 今日咁壯觀, 但仍比有一次弱....

再行多一小段, 就接返入泥路, 已經中午過後, 條路應該乾爽好多卦....

今日雖然係行石屎路, 但都又上又落, 呢刻開始有D攰

行自然教育徑, 去伯公坳方面就對

Yeah, 有泥路行喇

媽咪話呢段有好多白千層樹.....

原來真係好多, 好靚

以為只係平坦小徑, 原來有石級o架....

婆婆行左一大段石級, 行到要抖大氣

到伯公坳喇, 左轉上車路, 再轉右就繼續行埋小小段教育徑

因為我地想落直去大棠走, 唔行車路走, 當然唔轉上去

穿過橋底就可以去大棠村....

全家四口組, 得我一個未行過呢段路, 但媽咪佢地都係當年兩位表姐仍細時, 一齊行過, 印象已經模糊

呢段一樣係好多白千層樹....

揀呢段走, 好行好多,  起碼無單車....

當然都見有單車偷雞入來的痕跡

呢個大草原好靚, 好大呀

左轉上係指去黃泥墩村巴士站, 媽咪一心一意想由大棠荔枝園落, 無搵過資料, 佢話下次先試下由黃泥墩村走喎
去大棠荔枝園係轉右行.....

行了一小段, 靠右望, 見有水聲, 望下, 終於見瀑布喇....

呢度係電視外景拍攝勝地之一....

認唔認到呢個位呀

我地要經荔枝園o架, 所以會見到山羊

我地係行山路過, 當然無需要購票, 但就因為無買飛, 都唔會在園內參觀人家設施呀

但婆婆就唔捨得走, 佢拖慢腳步周圍望, 俾佢激屎
原本仲有一段路已可以行返出路口, 剛好有間的士落客, 媽咪立刻 order 叫婆婆行快兩步, 即跳上車出返元朗