130421荃錦坳落深井

昨晚一場雷雨, 媽咪知道今日唔會再有大雨, 今日星期日, 點都要留俾我
雨後當然唔可以行泥路啦, 去大欖深井一帶行車路咪無問題o羅
上星期日上過大帽山山頂, 如果今日上去, 一定騰雲駕霧, 反而由荃錦坳落返去深井, 今日絕對合適



我地 8 點 8 起步, 已經見好多越野單車, 車手都玩到成個背脊係泥巴, 佢地應該好早來....

雖然海拔高, 濕度高, 但涼涼地, 行山會好舒服

行到荃錦營地, 我四手腳同毛毛肚裙邊都都濕透了

蜘蛛網滿佈水珠.....

如進入仙境般.....

媽咪, 你見到我地嗎

細媽同婆婆消失於濃霧裡....

無雨落, 但地濕, 我變了濕水洛

到呢個位, 好開揚呀....

雖然行去蓮花山, 都可以行到去深井, 但要行泥徑, 都係唔好了...

又飄來一陣濃霧....

今日除左越野單車, 仲有好多行山人士, 途中我行遠左少少去八卦, 大細媽聽到有人話 : 喂, 果邊有隻馬騮呀....

乜我好似馬騮咩

雨後特別多菇菌, 睇好喇, 唔好掂, 好多有毒o架


今日主力只行車路, 唔入上塘....

有木耳呀....

上完一輪大斜, 又落斜, 又上又落, 踏單車都要好大力氣...

又到分岔位, 我地接入清快塘段....

上次來時, 突然落好大雨, ,我地在涼亭避左一陣雨後行去田夫仔, 今日唔好果邊, 費事要行泥徑變泥鴨

好大水聲....

上次缺水, 今日猛水, 如果沿小徑去田夫仔, 一定要涉水過河....

地係濕, 天係陰, 我係我

呢段無乜大樹, 無枯葉, 地繳乾爽....

媽咪話我就快乾返, 無咁似馬騮呀

途中遇上三個小朋友, 佢地圍繞我八卦....

哎呀, 好煩呀....

呢隻貴婦仔一路纏實我唔走, 唔埋已走了的同伴, 一路要我同佢玩, 最後都要追返佢主人呢

滿山"鯬朔錐", 又叫"裂斗錐栗", 似滿山發放煙花, 原來係香港常見原生喬木, 我地成日見滿地似龍眼核, 原來就係呢D樹果實

到落清快塘交接位, 都係 12 點, 再向圓墩方面行遠點先落深井....

潮露都中午仍未散....

每年四月份, 我耳朵邊毛髮必定脫掉再長新毛毛, 成隻兜風耳現形, 加上今日濕了毛, 大細媽話頂唔順我呢隻馬騮

你地忍多個多月, 我好快變返靚仔樣俾你地睇

睇住我擺型 pose 先啦

到呢個分岔位, 右邊有石級落小溪, 地上有人寫上蛇舌坑, 原來係行澗人士至愛水澗之一, 又識多一個點, 但唔o岩我地

今日唔見狗媽媽同佢三個仔女出來, 可能食飽了, 行入了深處瞓覺豬....

到閘口, 媽咪問伯伯, 狗媽媽近排有無落來, 原來佢自從生了狗BB, 都無落去更亭陪伯伯, 專心在山上照顧狗BB, 雖然狗BB已經長大, 但狗媽媽都無落來, 伯伯知道好多行山人常常帶食物俾佢地, 好彩呀, 可是上次見狗媽媽時, 佢瘦晒了, 伯伯話有可能俾牛蜱吸晒D血

來了咁多次, 都係只知呢個叫深井儲水池, 舊日主要儲水俾深井一帶村民使用, 媽咪今日睇下教育徑個介紹牌, 先知當水滿了, 會由我身後遠遠的大水道引水入大欖涌水塘o架.....

當快到深井村, 好響鑼鼓醒獅聲, 我好驚, 細媽抱我先定下來.....
原來今日係深井村村民幫大王爺粉飾同進香, 又醒獅, 又武術表演, 又有盤菜宴, 節目由 11 點排到晚上 10點半o架
都唔關我地事
我地在全記食埋午餐, 要快點回家洗白白呢