2013年4月14日

130414大帽山頂落川龍飲茶

原本想復活節其中一日去川龍飲茶, 但天氣一直不好

昨晚媽咪回家後又想起來, 話考慮今日去飲早茶, 然後行去城門引水道, 細媽反建議提出, 既然端記收下午兩點, 不如上大帽山山腰的停車場, 慢慢行落去川龍

媽咪話又得喎, 佢仲想由荃錦坳荃錦公路麥理浩徑第八段終點(M156) 起步行上去到閘口停車場(M152)都係兩公里, 但又驚昨日行左咁耐, 婆婆同我都唔夠體力, 最後直接坐車上到山腰閘口位



如果直接落川龍, 都係得 4 公里多點, 細媽話太早飲早茶, 媽咪就唔可以就時間食藥, 一於上埋大帽山山頂氣象中心走一轉


呢度好多薔薇屬的小白花, 好靚呀




晨早空氣好好, 加上今日濕度低, 上大帽山頂咁高海拔就唔怕騰雲駕霧, 行山真係要查下天氣o架


越上越大風....


媽咪怕趕唔切一點前到川龍, 所以我地揀行捷徑上, 當然婆婆都可以應付, 我地先行啦


行捷徑都唔錯, 起碼唔駛只係行車路咁悶


話咁快又行少一段.....即偷雞左


又另一個捷徑


呢段捷徑對婆婆難了一點啦, 但佢都可以應付o架....


而呢個捷運, 係要爬上水泥石屎牆, 婆婆上唔到, 佢自己沿車路上去匯合我地


大細媽都要四腳爬上來


Z 型路上, 真係唔難




就快到氣象中心


到大帽山山頂可達最高位 (M147), 我地就回頭落返去




M152至M147, 即係行左 2.5公里, 上落行埋捷徑, 即係來回行左約 4.5 公里


好多山仍在雲海中....


除除下山


我地一路上, 氣度就比低海拔低點, 但都係好舒適氣度....




回到停車場, 停一停, 休一休, 又繼續今日目的地進發


今早來時, 往川龍個指示牌, 仍未有車擋住o架, 幾多人駛車上來瀏覽大帽山風景呢


時間唔早, 我地轉向青年旅舍方面行....






因為車可直達旅舍, 我要留心有無車來往


行左約二十分鐘, 就見有指示行山路往川龍 


婆婆 : 乜D石級咁高o架


呢段路似龍門郊遊徑咁....


行山感覺好重


媽咪話同我視線相同, 就影唔到條路效果....


但高抄的話, 我又變得好渺小


在樹叢間行, 唔太曬, Good


一路行, 見有個分岔位轉左, 唔知去邊度o架, 媽咪忘了影低個位, 但直望見有石級落就o岩




每級石級好大差距, 婆婆要慢慢一步一步落


石級盡頭, 係接返一條好舊已棄用的車路


右邊都見有條小路, 原本有個"此路不能直往"的指示牌, 因日久失修掉下, 媽咪多手擺返正


呢條棄用車路好似大刀刃落林村的軍用車路, 年代應該好久遠, 地面原來石屎脫落....


成條路, 好多蛋咁大的石頭已經甩掉....


對我腳仔來講, 成地石頭都幾煩....


而且有好多大石滾下來在地路邊, 好彩近排無豪雨咋.....仲有, 有些車路已經被沙泥遮蓋, 仲生滿草及小樹叢, 將路收窄了, 一D都唔似車路


一個大 "Z" 字路....


一路沿 Z 型車路行, 媽咪話勁似佢 10 年行富士山咁呀


見到川龍, 已經 12:18pm, 要快步


一個小小的指示牌, 沒入草叢, 行快D都走漏眼




當快到響石墳場, 竟然俾人用築墓的砂土擋晒條路口, 我地要爬過堆砂, 激屎


今日仍時拜山好日子, 好多車會駛上來, 於是細媽抱我行一段10分鐘車路....


見到一個綠頂涼亭, 右邊就有石級落川龍村...


一路在金塔旁經過, 因為已經成 12:51pm, 媽咪話要快D行, 否則趕唔到飲茶


婆婆幾驚無得食, 佢飛奔落梯級, 平時佢好 Hea, 原來人到肚餓, 就會產生超級爆炸力


我地在漁護署管理處旁的石級出來, 個指示牌寫要 30 分鐘出小巴站, 細媽抱我行, 婆婆又發揮其快捷步伐


咦, 羊咩, 唔好擋路啦.....


想唔到 1:15pm, 即 15 分鐘就走到端記, 仲搵到位


婆婆跟埋出去揀點心, 佢猛話好肚餓, 貪心點完一樣又一樣, 仲話媽咪點解只拎一份糯米卷咁少, 媽咪一個托盤只係可以拎三至四碟, 俾婆婆激屎


佢地就好, 有野食, 我就無份食


惟有休息一陣啦


終於等到呢三位女子食飽走人


媽咪問婆婆, 想坐小巴回荃灣, 定係行去引水道落圓玄學院坐車走, 婆婆揀再行下, 咦, 有個新牌寫"河背瀝", 即係邊個位, 係咪指條河呢


今日又食唔到川龍出名西洋菜, 又要等下次了...


休息左一輪, 我暫時仲有力氣行


話咁快到引水道....


陽光好猛烈呀,好彩細媽幫我濕背脊降溫




婆婆, 我有D攰喇




我都係呀, 今日都行左快 12 公里......


呢個亭後, 有梯級落圓玄學院, 但我唔想行呀....


慶幸我有私家車, 攰就上車o羅


到圓玄, 好多人等小巴, 媽咪見等的士條龍唔長, 而且的士絡繹不絕, 我地一於坐的士, 早回家, 早休息

2 則留言:

  1. ★珍妮 & 毛毛★2013年4月14日 晚上11:56:00

    真係加快了腳步喎, 為食令人有推動力啊
    [版主回覆04/15/2013 13:24:40]真係想唔到握動力咁勁, 仲快過我

    回覆刪除
  2. 咁您哋咪要好早起身出發囉
    [版主回覆04/15/2013 13:25:28]下次又係咁路線, 都應該早少少出發

    回覆刪除