130501不穩天下的勞動節

今日勞動節, 又話間中可以有幾陣雨, 昨日都有黃雨同雷暴, 我地都唔敢今日行山, 一於照原定計劃, 行城門河畔 

我地習慣在大水坑起步, 今日好多單車, 都唔上去梅子林的引水道喇, 慢慢行, 由河口直行去河源頭的大圍

今日都唔明乜事, 剛起步, 有隻大雀直撲埋我身, 然後大叫一聲又飛走, 接著一陣又再撲來, 直情想攻擊我咁, 我都唔知發生何降

大細媽都好驚隻大雀跟實我o架

好彩佢無跟來

無雀突襲, 心情輕鬆晒

可能一早天氣唔錯, 好多人趕住享受無雨一刻, 爭敢時間, 我地都係 

否則點會 9 點就來到, 玩得幾耐得幾耐

除了單車, 都好多人出來跑步同晨運, 每影張相, 都要等人同車過了先影

到中段休息位, 我次次都唔埋有大細媽, 自動好急由行人路橫越單車徑, 每次都激屎佢地

相思樹下

又到呢段路, 其實我今日乖左好多, 我好少亂走出單車徑, 因為真係好多單車o架, 通常都係一大隊單車飛過, 我都識少少o既

出太陽, 有點熱

個天又陰了少少.....

未到食飯時間, 我地一於兜遠少少先行返轉頭去沙角邨食午飯

咦, 遠遠有灰黑雲雨, 呢度開始有微雨呀....

中午先來微雨, 暫時仲可以唔擔遮, 當越近沙角邨, 雨點漸大, 媽咪話食完飯先再打算 

飯後, 細雨未停過, 細媽話著返雨衣, 行埋去大圍都應該得卦

好彩唔係大雨咋, 又好彩只係來城門河畔咋

媽咪睇手機天文台, 原來雲雨並唔係集中我地頭頂, 細雨變微雨, 微雨變雨粉

我地今日揀另一邊岸去大圍...

到大圍都兩時半了, 而且媽咪佢地明天又要返工, 我地又劉姥姥遊大圍村一巡, 之後回家休息
今晚入夜又落雨, 呢兩個月都係天氣不穩定, 我地唔敢同婆婆去行山路, 惟有來來去去都係行下石屎路
媽咪公司由5月開始, 唔駛每個部門安排一個人返去值班, 佢又多左假期啦
細媽 : 我都係一個月放兩個星期六, 都無分別, 今星期六我要返工, 你望下星期日會唔會好天啦, 快快跳求晴舞