每年生日媽咪都會安排蛋糕畀我慶祝. 由每年嘅蛋糕安排, 就可以睇到佢地都有D進步, 不過你地唔好自滿呀, 要再接再厲做到更好. 依家就睇下佢地每年為我安排嘅蛋糕啦.
去片
第1年在某DOG CAFÉ買的CUP CAKE, 非常硬, 唔係好適合鍾意食軟飯嘅我囉. D味都係麻麻地.
第2年在某連鎖餅店買的. 蛋糕係就係好鬆軟, 不過太甜啦. 我只係影相同食左少少.
第3年超進步嘅一年, 細媽自制香蕉麥包布丁. 雖然買相麻麻地, 不過就好合我胃口喇.
第4年自制香蕉蛋糕, 細媽終於向整蛋糕進發, 佢話從來都無想過, 只係上網找食譜, 在胡攪一通之下, 都可以整出蛋糕形物體出來. 成功之後就成日沾沾自喜. 又唔諗下自己有幾多失敗之作, 要我同大媽婆婆幫佢哽晒喎.
第5年自制芝士蛋糕, 佢又學人攪下裝飾, 不過算啦, 佢D藝術細胞係咁上下KA喇.
第6年自制香蕉蛋糕, 今年都係攪下裝飾, 無乜驚喜囉. 佢開始黔驢技窮啦.
唔知下年佢會整乜呢!! 細媽你仲有成半年時間慢慢諗. 你要好好利用呢半年時間呀.
哈哈哈….我畀個貼士你丫. 整個超級大肉餅做生日蛋糕就最好呀. 如果係咁, 我唔怕年年無驚喜ka.
洛洛, 阿一都話大肉餅實際d.
回覆刪除[版主回覆07/31/2011 17:59:00]洛洛 : 同路中人
(Empty)
回覆刪除[版主回覆07/31/2011 17:59:00](Empty)
睇住細媽o既進步, PE2 都有份食過, 真係 very 骨
回覆刪除[版主回覆07/31/2011 18:00:00]希望有時間, 細媽又可以整俾 PE2, 要賞面呀
細媽好有planning 呀 要半年前預習, 咁洛洛好有口福了
回覆刪除[版主回覆07/31/2011 18:01:00]唔止蛋糕, 每樣野都係要早整幾次實習
先祝洛洛媽咪生日快樂先呀~
回覆刪除睇見洛洛望住蛋糕個樣係愈來愈識笑呀~ 第一張好無奈二三張有啲牽強,然後先識笑呀~ 哈哈~
[版主回覆07/31/2011 18:05:00]大媽未有咁快生日, 婆婆先呀
其實細時, 一上去坐低, 起初笑ga, 仲想食蛋糕, 但我地叫佢乖乖影相先, 以前部超級傻瓜機太屎, 影好多張先有張好D, 影到佢無晒表情.......
後期影慣晒, 叫佢笑下, 佢就笑來俾你影, 因為快影完, 快有得食
哈哈...三兄弟都有次食咗個超級大肉餅做蛋糕呀!!
回覆刪除[版主回覆07/31/2011 18:07:00]洛洛 :嘩.........., 我一個齋批就試過