110731初一宜游泳

媽咪被敏感引起的風癩, 纏繞左差不多兩星期, 終於呢兩日無再復發, 我地又可以一家四口出動去好啦    

數數日子, 今日係初一呀

細媽話初一水漲, 最適合去赤徑玩, 為避中午炎陽, 我地未夠8點半, 已經到北潭凹  

 
你地覺唔覺以下兩張相有乜唔同呢

 



因為頂粉紅帽一 fing 就甩, 細媽同我轉換另一頂牛仔帽

颱風過後, 風雨帶走煙塵微粒, 天色更見晴朗

小徑落海邊, 我都唔會放過浸泡溪水, 咁先唔會蝕底

遠遠山上水流下, 小河滿是淡咸水......

無風無浪.......

所以我愛來赤徑游水  

  

唔知點解, 小魚愛上食腳皮, 佢地一直張口大口媽咪佢地腳指, 婆婆同細媽呱呱叫   

自自在在.......

游完一身鬆晒...., 但頂牛仔帽濕了變重, 暫時唔可以戴帽, 太陽光下, 燦眼張唔開眼仔  

在赤徑村有水喉水沖身, 又可以戴另一帽

游水都有兩帽準備, 萬無一失ga

你地都見, 艷陽下, 唔戴帽, 損失係自己

烈日下, 唔好逗留, go   go   go......

真係好好天, 現在係 11點.....

我地想搭 11:20am 班船, 因為.........

咁早返市中心, 為左來呢間日本餐廳, 遲左就休午市ga.....

因為想同婆婆預祝生日
提早食生日飯......

地方寧靜, 又坐得舒服, 野食又好味

 


勝ge , 預祝婆婆 72歲生日快樂  


食飽飽, 時間早, 又走去海傍行下.....

或者風後, 或者真太熱, 人狗都唔算多.....

太熱啦, 地面階磚曬得熱辣辣, 媽咪唔鬼陪婆婆癲, 一於話要拉隊回程, 返屋企嘆自然涼風好過喎