110710慈沙古道晴至雨

昨日可能行攰左, 我今日都無叫醒細媽起身勞動

但唔等於無街去.......你地睇婆婆在後面搶鏡, 就知我地出街好興奮

 

以為似上星期咁會落雨, 但來到水泉澳又好好陽光呀

咦, 頭頂一片厚雲又跟實我地, 會唔會似o尋日咁, 陰陰天, 又有風風吹下咁舒服呢

媽咪話襯我未濕身, 先來張靚仔相先 wor

我要濕身, 唔係要落水浸

又係細媽好事多為

Help me......我上唔返來呀

浸完又淋.....   

  

又見佢地蹤跡.....   

到左士多, 食埋野, 準備去晨運樂園, 但有姨姨大叫話唔好俾我落地, 今日有好多野狗

細媽, 我地原路走, 你仲想行去邊

行返古道, 有狗都唔怕....

今日雖然又係有厚雲, 但媽咪佢地都全身大汗, 我就沿路濕身, 個個叔叔姨姨都話我熱到流汗, 流到全身濕, 乜我有汗流咩

媽咪成日見呢種球菌菇, 原來成熟爆開, 好似石屎咁ga.

上來時見佢, 走時仲係企係大石上, 無走過....

今日影左好少相咋, 事關來來去去都係我濕身 look

去返城門河畔, 見大埔果邊個天黃晒, 應該落緊大雨......

今早來算係晴天啦.......

但玩完就開始微微雨點, 返到屋企, 先知有雷暴警告, 剛才在家洗白白吹毛時, 又陽光下的驟雨, 好彩天公都俾我地玩足半日, 夏天玩半日, 夠晒啦