110701七一大游行在晴陰間

呢幾日都勁落雨, 唔會期望超級好天, 但今日係七一喎, 點都要應下日子, 又來個大"游"行 

細媽話今日係初一, 早上較平時潮漲高好多, 去赤徑紅樹林的小河, 一定可以游下水  

其實一早起身都有雨ga, 但游水都濕啦, 一於來玩左先

由北潭坳石屎小徑落來, 都有好多小溪流......

又係我最愛的小水氹

細媽話, 唔準 Hea, 快快在太陽在雲間出來前, 趕快落到赤徑....

呢段時間, 係野百合開放時, 馬鞍山同釣魚翁果邊好多ga, 今日在此段路見一朵......

記住, 愛惜大自然, 路邊靚花不要採....

赤徑對上山頭的瀑布好多水....

加上初一, 我可以玩下喇....

但始終太耐無游水, 點都心怯....

我鼓起勇氣, 先敢游去大細媽度咋.....

細媽話再行去紅樹林喎....

原來行出來, 潮漲, 水浸紅樹林....

無浪下, 我好安心暢泳....

但大細媽唔心足, 點都要魔鬼教練上身, 係要我游....游...游.....

在紅樹林間游泳, 就如玩障礙賽

媽咪 : 嘩.....水怪出沒呀

紅樹正開花中結果, 遲 D再來, 呢三個女子又可以插秧喇....

遠遠聽到雷聲, 稍會落雨, 所以我地出程往碼頭....

但到赤徑村, 已經好大雨.....

而我呢.....反正濕身了.....惟有濕身淋雨上路.....

雨稍微細了.....

但我開始覺有點凍.....

又來大雨了, 我地要急急腳去碼頭....

雨中行, 無得玩.....

到碼頭喇......我地等 11:20am 船....仲有半個鐘.....

咁我淋濕左, 又有少少風, 一路等, 一路震, 好彩婆婆提細媽, 叫佢用毛巾包緊我, 又抱下我, 等我取暖, 否則會有狗凍屎赤徑呀

上次來時的雛燕, 相信長大了, 燕走巢空, 唔知下年會唔會再回巢呢.....

突然發現海上有怪獸....望真, 原來係有人潛水捉海膽.....

船來了....仍下著雨.... 今日只係頭尾玩左唔夠 3 個鐘咋....

返回西貢市中心, 因為七一, 媽咪求到細媽請食日本餐

但細媽話當提早食媽咪餐生日餐喎

媽咪 : 我 9 月初先生日喎

食飽都係一點半, 時間尚早, 又見我未玩夠.....

於是去西貢海傍行下, 我地真係好耐未來過了.....

雖然頭頂仍有厚雲, 但陽光都偷偷走出來喇....

初一早上潮水高漲, 但下午退潮會更低.......

所以我地由海傍走廊, 落水行去海中小島.....

水低無浪, 我好樂意跟實大細媽在水中行...

遠方晴空, 但頭頂有雲遮擋了太陽, 我地在陰天下, 唔太曬, 好舒服...

行出去, 見到好多貝殼仔, 螺子, 蟹仔, 小魚.....

甚至海星...... 

海星重壘.....   

到左小島插旗喇.....

到小島.....水差不多退晒.....

睇下退得幾厲害, 我地剛才就係到左遠處突出小島.....

明明今早又雨, 又雷暴警告, 但下午又放晴, 一日遇晒晴天雨天雷暴天, 乜野天氣都俾我地遇晒