D行山姐姐姨姨成日話我貪靚, 又話我戴帽好搞笑
, 其實戴帽係有實際用途o架, 就係可以防止陽光曬到眼仔囉
細媽覺得反正都要整, 緊係整得靚D啦
從第一次戴帽, 我已經愛上左佢
, 因為戴左之後我可以撐大眼仔, 唔漏眼水
, 所以不單止晴天會戴, 陰天會戴, 因為紫外線都好勁, 連雨天都會戴
. 雨衣雖然有帽, 但就戴唔到. 佢地發現如果我戴左帽再笠雨衣帽, 用夾夾住, 雨衣帽就戴得好穩妥喇 
從此戴帽就成為我嘅嘜頭喇
星期一晚睇腳腳時, 媽咪順便請王醫生幫我睇埋眼仔, 王醫生話我眼仔瞳孔好清, 無問題
, 媽咪話我地成日行山怕會有白內障, 醫生話預防白內障最佳方法是避免陽光直接照射, 媽咪就同醫生講我有戴帽 ka, 不過就戴唔到太陽眼鏡
, 醫生話咁威水, 戴帽都係個好方法. 所以我一定堅持戴帽o既
啲帽帽都好靚呀~
回覆刪除[版主回覆07/18/2011 12:47:00]多謝讚賞細媽
反正都要整, 僅係整靚靚, 自己都開心d
巳經係洛洛o既指定 " 標緻 "
回覆刪除[版主回覆07/18/2011 12:48:00]合體左了
又靚又有功用!
回覆刪除[版主回覆07/18/2011 12:49:00]係呀, 可能洛洛都只戴帽好處, 佢一開始都無抗拒
洛洛有個多才多藝嘅細媽真幸福！有得食，有得靚
回覆刪除[版主回覆07/18/2011 12:50:00]多才多藝唔實際, 最緊要細媽係真心付出鍚洛洛
你有咁多材多藝的細媽好幸福啊
回覆刪除[版主回覆07/18/2011 12:53:00]簡簡單單都會令狗地幸福.......
多才多藝無用 ga, 如果個心用來扮靚洛洛討人讚美, 當洛洛係一件工具, 咁識多多野都無用啦
好彩細媽唔係咁o既人
d帽帽真係好靚靚呀!可以拎去賣!!!
回覆刪除[版主回覆07/18/2011 12:58:00]整帽及其他手藝係細媽閒餘興趣手作仔, 閒來整俾朋友仔都尚可, 但如果用來拎去賣, 相信規格一定唔過關