呢個炎夏, 晨早 8 點o既太陽照在身上, 都熱燙燙, 想去沙灘跑下, 玩下水, 媽咪佢地都怕怕, 驚一個夏季又變返黑人
好彩發掘到呢處, 又唔太辛苦, 早上剛好有山同樹蔭擋去陽光, 最重要係有水玩o麻
上星期上來時, 有成班陀地狗, 今早未見其蹤影...
夏季開滿蟛蜞菊
好襯我個別名......黃小花
雖然媽咪成日心癢癢, 想帶我地去其他地方行山, 但咁o既天氣, 肯定在山上, 大人細路都易中暑......
呢度有山有水.....
又有樹蔭.......
聽下流水淙淙, 心曠神怡呀
細媽, 我只係想浸下身, 唔好搞我, 我唔想游出去
救命呀.......邊個捉我落水
我爬唔返上來.....好驚驚呀
究竟邊個推我落水
細媽, 你個樣奸D, 一定係你....... Woo woo woo....我要鬧爆你
細媽 : 唔關我事ga, 係你大媽咋....做乜入我數....唔好嬲啦
真係媽咪好事多為......
算數啦, 洛洛不記大媽過
細媽 : 洛B, 熱唔熱呀....唔游水, 就淋身降溫.....
細媽 : 順便淋熄佢惱火呀
幸好我最愛淋水, 否則一定又鬧細媽
隻蜥蝪又出現, 佢真係揀定一處, 好易發現佢.....
媽咪愛來呢度, 除方便外, 仲可以食....食....食.....
又晨運園地轉一圈, 又落山了.....
11 點多, 太陽高掛在頭頂....
細媽, 我只想浸身, 唔好又推我落水喇.....
未夠 12 點就出返車路, 地面已經曬到好熱.....
我當然上返私家車.....
架車有晒安全帶, 又有陽擋, 直駛出市區
又在城門河畔.....
或者大家覺得...明明話洛印遍全港...但次次上來都見我行沙田...睇到悶.....
我唔悶ga, 仲好享受添.....起碼媽咪佢地肯一早起身, 陪我去玩, 雖然近排來來去去都同一處, 但只要樂在其中, 一家開心, 去邊度, 對我來講都一樣
咦~ 咁好o既 .. 有個咁水喉水 .. 沖身降溫
回覆刪除[版主回覆07/06/2011 13:16:00]唔係水喉, 係晨運客用水泥起左一個小水霸儲山水, 又加條喉管, 方便行山人士洗手洗面.
早排未有雨, 得好少山水, 得條水線咋..
好正喎, 水頭充足喎
回覆刪除[版主回覆07/06/2011 13:16:00]一落雨就好好水
嘩洛洛真係勁啦! 大熱天時仲去行山呀, 我就同媽媽番响屋企涼冷氣喳~
回覆刪除[版主回覆07/06/2011 13:18:00]早出發, 果度又有樹蔭, 唔辛苦ga
去浪茄同大浪西灣, 回程仲辛苦
係啦，熱熱都行山，我就唔敢啦！
回覆刪除[版主回覆07/06/2011 13:19:00]你地去浪茄游水, 回程咪又係行山, 只係短程少少