築地魚市場 - 在新宿的話, 最方便就係在都營大江戶線 (紅色線) 新宿站 (E27) 直接坐到去築地市場站 (E18).
由築地站 A1 出口出去轉右, 前行一會右面見到一個大門口, 裡面有很多小貨車走來走去的就是場內市場, 這裡是漁販買賣的地方.
我地周圍行, 搵下邊間壽司店......
好似間間差不多, 一於試呢間.....
我地點個2940定食, 超好味
食飽再行下.....
就再搭地鐵去上野, 主要目的係中午來個蟹腳任食放題, 係上年兩個姨甥同姐夫去食過, 介紹俾我地, 可惜落車, 一路行都搵唔到.....
但時間稍早, 家姐話不如去上野公園逛一逛先算.....
中午喇, 去左上野手信街, 都係唔想買野, 事關我之前買左好多, 根本再拎唔到....
搵唔到放題唔緊要, 隨便找家樓上食店, 相信都唔差.....
事實定食又真係好正呀......
一睇錶, 原來兩點了, 嘩, 我地搭 5點機, 仲要坐地鐵去成田機場, 我地好趕落車站, 剛好趕得到仲有一班能有機趕上飛機, 16:04pm 抵成田......
跑快D, 走車就煩屎......
終於登上車.....
到成田, 又要趕去退張suica 咭, 當埋 counter check-in時, 已經係 4:30pm, 個地勤一見我地即問係咪搭CX521去香港, 原來得返我地未 check-in, 仲要過關o架, 佢即第一時間炙我地處理, 我都好驚趕唔切呀.....
上到機, 望返雙手, 登山當日, 右手唔小心撞埋岩石, 右手食指撞到好痛, 有點腫脹及瘀, 仲要未嘜力, 現在安頓下來, 先想起, 影返張相, 右手食指好明顯肥大了
今次飛機餐唔錯, 好心急回家呀
返到屋企, 見到 6日未見的洛B, 好開心呀, 當然要同手信影返大合照啦
今次仲有記念, 就係在富士山頂上三七七六米, 烙印了一個木製記念牌, 記錄了我 2010年 7月 24日完成攻頂
2011年 311日本地震大海嘯, 再加上福島泄漏輻射, 仲傳聞富士山因今次地震, 有機會在未來幾年引發火山爆發
加上年紀漸大, 相信我有生之年, 都未必有機會再攀登富士山
但點都好, 今次勇攻富士山頂的經驗同體會, 至今雖仍歷歷在目, 怕年長而淡忘, 想終生不忘, 於是寫下攻頂之旅, 等自己能常回味
如果我有你貢好o既體力, 我都好想試, 真係好值得回味, 真係好羨慕呀
回覆刪除