2011年4月25日

110425超出計劃




今日假期最後一日, 又話有計劃....., 點解會在屋企樓下拖繩行   
原來一早有計劃, 大姨媽昨晚打電話來, 跟埋我地 Hea住行山, 好開心心呀

img_1331_gif



媽咪計劃, 我地由屋企行去獅子山公園, 入公園內的燒烤場上回歸亭, 再接麥理浩徑第五段回沙田坳十二笏, 再經古道落沙田圍博康村, 路程 6.5公里左右, 應該唔太辛苦ge   




上山喇.....   


我地係上八仙徑, 唔係八仙嶺, 唔好搞錯


唔止大姨媽, 大表姐都有來ga, 大妹今日仲有份參與


呢段路在 01年重修過....


當年馬仔坑村就在此....


到交叉位, 媽咪原計劃跟黃箭咀上獅子回歸亭, 剛好有個伯伯下山, 大姨媽問下伯伯另一邊去那兒, 伯伯話一樣可以上獅子亭, 只係路比較難, 建議我地揀條易行的.

但大姨媽話 : 難得一齊出來行山, 無可能行D咁易ge, 一於行難路

於是我地轉左向八仙廟前進....


獅子山上村木屋區蕉址一角.




 



離開八仙廟涼亭, 繼續上.....



昔日木屋區遺址 - 假山, 仲有好多蓄水池, 保留以前居民的閒情逸緻...
 



原來呢段係用木板及鐵枝建造梯級, 無草, 又多碎沙, 好跣, 真係一步一步行, 唔可以分神....    


仲要係無樹蔭, 好曬呀.....








獅子山.....   







大妹, 我要一步一步檻上來, 好彩有少少樹蔭位, 休息下先...





又繼續.....    









好高呀, 爬到腳仔軟   



終於爬到回平路, 接返麥徑




獅子回歸亭...






我地身處九龍坳, 如果按原先計劃, 我地會在另一個路口上到來.....


媽咪, 點解我身後有個頭ga


我地本來係由麥理浩徑第五段, 回沙田坳十二笏......

但婆婆想話試行上獅子山頂, 反正未行過喎, 咁大家惟有陪佢

事實係幾年前, 我仲未出世, 大姨媽及準姨丈帶過細媽 / 公公 / 婆婆及 Kit Kit 姨姨上過獅子山頂, 只有我 / 媽咪同大細表姐未上過, 事隔多年, 婆婆忘記晒




建於七十年代初的風雨亭.....







攻上山頂







媽咪想上來回歸亭, 就係知呢帶好多野生紅杜鵑花......


山崖山坡都有杜鵑花影蹤, 上山中途, 望到九龍半島一帶, 仲望到屋企添.... 





快到獅子頭.....

 
  

見唔見到我地身後的獅子頭呀.....







因為山頂旁就係懸崖, 為安全計, 我要拖繩, 大細媽怕我失足墮崖




 







爬上去, 就到獅子頭頂.................  





太高了, 婆婆同我都爬唔到上去, 為安全起見, 反正都上到來咁高, 我地到此為止.....



見唔見我頭頂小小紅杜鵑花, 剛才我地就係企果度影相, 到獅子頭只差少少咋....


獅子頭都有人企係度添, 旁邊懸崖, 好直呀......
 







橫過獅子脊, 都有好多杜鵑花.....



過獅脊, 又要落.....    
 



又要上, 大姨媽先行探路, 我要拖返繩............


在獅子脊, 一邊望九龍半島, 另一邊望沙田....









終於由平地攀登上 495米獅子山頂










IMG_3137


由山頂, 要落 4 百幾級梯級, 先可以接回麥徑o架.....



我都要中途休息, 媽咪落山就怕, 而且佢腳力差少少, 膝蓋四周肌肉想抽筋......


終於落了半公里梯級, 接返麥徑, 最辛苦的路程結束, 打後就係媽咪最初的計劃



向十二笏獅子王進發








到沙田坳道, 去搵獅子王先   



好累呀, 休息下先....   


其實獅子王係十二笏的一間出名士多叫 : 恆益商店, 有幾十年歷史, 出名咖哩 


我一歲時, 細媽常常帶我同婆婆由屋企行上來, 媽咪就間中陪下啦...初初行山無咁叻, 次次行到上來, 咖哩都售罄....  

最後由食唔到, 到食得到, 仲要落埋沙田圍來回返上來, 都趕到時間食,


終於等到大家食飽飽, 我地行去沙田圍博康村, 回味我兒時常走的路


此古道.....大細媽佢地仲係小朋友時, 公公常帶全家來玩水同在溪邊捉蝦及燒烤, 後期Kit Kit 姨姨都來過......
'

當然古道已經修建過, 比以前好行, 媽咪同婆婆及大姨媽, 一路行, 一路懷愐以前光陰....  




呢個燒烤場, 都係好後期建設, 我曾經問過一位姐姐拎橙食, 大細媽次次都提我呢件瘀事   



好熱呀, 好彩有小溪俾我玩下水






落到呢度, 快完成今日行程.....    


但我已經筋疲力竭.......


鬼叫今日超出晒媽咪計劃咩, 細媽怕我太累, 而且都會出返車路, 於是抱我行埋一小段......

回家後, 我地四個都倦屎了....., 但今日都好回味ge






















































5 則留言:

  1. 洛洛, 小心呀 )) 小心比獅子食左你呀
    [版主回覆04/29/2011 13:28:00]洛洛 : 花姨, 你係咪俾人讚到未清醒呀

    回覆刪除
  2. Wow上次我哋去川龍行5km都行到CC下,你哋行6.5公里話應該唔太辛苦?! 之後仲要攻埋山頂添,婆婆真係好勁好勁呀!
    [版主回覆04/29/2011 13:32:00]原計劃係 6.5 km, 條路係唔笠太難, 但呢次上埋山頂, 應該再長 D
    婆婆已經都行唔到, 連續行成快 6-7年, 佢先有咁成績, 仲堅過我, 起碼未聽過佢有抽筋     

    回覆刪除
  3. 犀利呀洛洛,咁屎熱仲可行山呀, 我果日淨係响屋企涼冷氣喳, 獅子山雖然離我好近, 但我都行過呀~
    [版主回覆04/30/2011 19:06:00]叻叻, 原來你都上過獅子山o牙

    回覆刪除
  4. 見到都驚呀﹗大風吹跌人。 呢個獅子山睇落好難行,你地好勁呀﹗
    [版主回覆04/30/2011 19:07:00]望落牙煙, 但呢個位好闊, 而且係必經之路

    回覆刪除

  5. 呢間士多勾起我童年回憶!芝麻餅加維他奶!哈哈! 我對你一家簡直五體投地!果條樓梯…
    [版主回覆04/30/2011 19:10:00]唔駛五體投地, 只要你同奶茶好似我地咁, 操幾年, 一樣行到
    我地初初都行到腳痛幾日, 日子有功o者
    我都記得細時, 成日玩完, 可以飲維他奶

    回覆刪除