110410馬鞍山昂平下大水坑

天氣開始熱, 媽咪知今日下午肯定好曬, 所以諗住行半日就夠, 早出早回家, 避開下午猛烈陽光  

於是打算由馬鞍山郊遊徑上, 走一圈回大水坑

其實今日遲左起身, 來到馬鞍山燒烤場起步都 9:20am, 如果早D會更好

平時行山, 成日見D藤蔓, 唔開花, 都唔知係白花油麻藤(禾雀花)

今日見TVB在拍古裝戲, 楊怡手抱BB, 同成班仕婢及士兵, 似在走難, 我呢個現代狗地唔可以幫手客串添

又見禾雀花, 沿途都有, 好多, 好多

到平原了.....  

今日唔上大金鐘.....

昨晚肯定好大霧, 一路上山, 蜘蛛網仲有好多露水積聚.....

上到昂平高原, 太陽出來了, 四周唔同顏色樹木, 好靚......

但陽光下....

感覺開始熱了.....

好彩仲有點風.....

好多人愛上昂平玩滑翔機, 但我地唔會行太近, 始終有危險, 怕失控時, 避無可避, 只宜遠觀    

觀景台好好風.....

亦係觀景好地方, 可惜......

太開揚, 好曬呀, 都係樹蔭下爽D

11:06am, 太陽在頭頂了.....

到 M083, 可以落大水井, 但我地去大水坑喎, 僅係跟麥理浩徑走啦.....

點解婆婆笑到咁怪相ge

由M083至茅坪都多在開揚位, 如果我地今日早出發, 就唔屎咁曬呢......

下次都係要早出行晨運好D

馬鞍山一帶真潮濕, 露水久久不散.....

嘻嘻, 未夠12點, 我地就到五聯達

又見禾雀花

我地無預下午飯, 因為我地會沿梅北古道落大水坑食飯

茅坪舊村....  

到梅子林村....

梅子林村外一片田地, 竟然俾火燒了, 點解呢, 早排有山火嗎

一點了, 我地急步由梅子林路落山....

因為肚仔餓, 下午氣溫又會急升, 快快到大水坑村, 食埋飯, 早點回家休息避熱