110403大灘郊遊徑

今日重臨海下, 就係想行三年半都未來行過的大灘郊遊徑


重溫行程 http://faphylok.blogspot.hk/2007/09/070930.html

我地今日係慳家之旅, 因為在西貢小巴站, 剛好有小巴上客去海下, 又剛好有三個位, 於是唔駛花錢坐的士

今日媽咪又拎部單反, 拎埋朋友借的 18-55mm鏡頭, 貪佢夠輕, 比支天涯鏡輕成 410g, 輕成磅重ga, 但效果可能差D, 點都要試下, 唔通擺部大機在家發毛咩 

媽咪話對焦真係差D, 唔 sharp, 少少走焦.....

唉, 女人係煩ge, 我有我行山, 唔埋佢

華南忍冬

起步時, 都係有雲, 但太陽伯伯出來, 開始熱.....

到攔路坳, 我地今次唔去灣仔.....

但都出去紅樹林影幾張相.....

留下我D腳毛


我地轉去大灘方向時, 順便落南風灣, 睇下係咪仲好多垃圾, 似乎改善了點....

打後路程, 有大石級同石突出, 媽咪叮囑婆婆睇清楚, 慢慢行....

餘甘子花....  

想返起上次07年行完後, 因為我地都係剛學行山, 婆婆行完呢條郊遊徑, 叫救命, 但經過幾年訓練, 今日點難到婆婆呢

猛烈陽光下, 都幾辛苦, 但好彩中途有樹蔭咋....

郊遊徑中段又要步入個石灘...

真討厭, K.O.T.H. 在 6/3又遺留呢D垃圾, 點解成日都俾我地見到ga

遠方係聞名嘅蚺蛇尖....

車輪梅   

快到目的地...

太熱, 我終於忍唔住了

到大灘村, 我地無行餘下的一小段, 因為終點無車走lor....

我地選擇行去黃石碼頭坐車回家, 本來想 call 的士, 竟然無車, 咪惟有直接坐大巴返歸, 全日無坐的士, 慳左兩百蚊