110416城門水塘下午半日閒

今日細媽長週呀......

天文台又預告明天稍後有狂風雷暴, 雖然話今日會有成 30度, 但媽咪同細媽都決定今日同我行山, 來城門水塘, 有樹蔭, 應該唔會曬傻

春天係花兒盛放旺季.....

每次見羊蹄甲花, 媽咪都一定同我影相..........

我地成兩點先到水塘, 諗住繞塘一圈, 要行三個多鐘ga, 唔行, 天黑都未行完

今早起身都仲多雲, 11點多, 太陽伯伯出來開工

好彩都有點風咋....

而且緩跑徑都有樹蔭.....

行落唔算太辛苦.....

其實由九龍水塘到城門水塘山路, 媽咪都曾經行過, 漫山開滿不同色的野生杜鵑花,
只係九龍水塘太多惡馬騮, 我地唔敢行, 今日在城門都見幾棵紅杜鵑花.....

我地行緊緩跑徑, 望對岸, 又見怪獸洞

究竟住左咩野怪獸呢

今日都幾熱o架, 我經過小溪, 9秒9 飛奔落水, 變了泥鴨, 媽咪話今晚唔沖涼都唔得

咁熱o丫o麻, 體諒下啦

行山時, 四周欣賞, 好多時都會發現好趣致的植物生長形態.....

就係周圍細心望, 媽咪發現了一種野生蘭花, 原來叫 : 香港帶唇蘭....

3 點半左右, 太陽伯伯走左去偷懶, 好多雲走出來玩

完成緩跑徑, 接住行埋畔塘徑....

半閒亭有馬騮出沒, 不宜久留, 大細媽話要速速逃離喎....

婆婆今日都輕鬆 hea住行o架....

到白千層樹下....

 

我地轉落教育徑, 貪縮短路程

快 5點半, 我地都係用左 3個半鐘, hea 水塘一圈, 都幾滿足,


唔知明天可唔可以行半日山呢