110409南丫菱角山之Hea行

選擇離島行, 我地只會揀星期六, 貪比星期日少人行, 細媽今個月起, 一個月有兩個短週, 但下月起會比較熱, 上菱角山會熱屎洛, 所以決定入夏前來最後一次

起步往模達灣的頭段, 正在有工程進行中, 我要拖繩保安全, 過後就自由行

過晒村, 我地上山了, 今日婆婆都有來, 佢昨日肚痛, 幾驚佢又來唔到, 上次一月時, 佢怕凍, 唔肯出街呀

今早天陰陰ga, 但就好舒服, 媽咪又拎下部新傻瓜 XZ-1, 點知又全日在紅霞中, 張張相都紅得發紫

綠草都係紅色ga....

上呀上.....    

好好風, 好舒服









到頂.....狗仔石....

太陽出來了....

好快又要落山....

菱陰坳轉返落索罟灣......

媽咪今日安排係行完菱角山, 就在索罟灣食海鮮餐, 然後坐 2:35pm 船回程...

但今日婆婆來埋, 到索罟灣都係未夠 12:30pm

隨便揀一間食店坐下.....

婆婆肚仔未完全好晒, 唔食二/三人套餐, 自點清蒸魚, 海鮮豆腐湯同炒菜, 清清地好夠   

飯後仲食鮮果冰棒當甜品添

我地食完飯都係 1:30pm咋, 點可以在索罟灣等成個鐘搭船呀......

咁婆婆又OK, 一於行埋去榕樹灣....

次次行呢段路都係下午, 熱爆....

天文台又話最高得 23度, 僅係唔止啦.....

好彩路程短....

一陣就行到洪聖爺灣......

到大灣吐, 細媽怕我攰, 而且開始迎面多遊客, 我又上私家車....

今日真係好舒服, 上山時天陰有風, 全日又 Hea, 我地搭 4點船走, 5點4就返到屋企, 開心洛一日