2011年4月22日

110422早起有著數


天文台又預報今日稍後會有狂風雷雨, 本來想約二個表姐都唔敢

昨晚細媽話, 等佢今早早點起身睇天, 可以ge, 就去城門河畔走走做晨運


點解今日只覺天陰陰, 天文台又預告稍後時間先有雨, 於是細媽話來城門水塘繞個圈喎   

今日係復活節假期第一日, 細媽要我野兔上身呀



我地怕晏D有雨, 飛的士來水塘,  8:40am 起步.....




天氣唔係太差, 希望唔會中途落雨, 玩屎洛B一家






婆婆, 我地今日唔行緩跑徑, 反正天陰陰, 不如上針山 lor



婆婆堅持唔肯上針山


惟有行畔塘徑啦......












今日仲見好多好大棵野生杜鵑花呀......





婆婆 : 長命斜 


婆婆, 唔屎怕, 行完會長壽o架







來到呢度, 如果沿畔塘徑行, 好快就行完, 個天又唔似好差,
E+都係 10點, 媽咪佢地商量後, 決定上水塘針山段車路, 行長少少先落返水塘


又另一段長命斜, 婆婆多運動,  多長壽








到草山段同針山段交界位, 媽咪又想起, 不如行去沙田, 於是我地轉右去針山方向





到呢度, 有明顯大牌坊寫往沙田市鎮, 但明明仲有一大段路, 竟然咁快去拖住大型狗狗, 山路喎, 拖實咪容易跌親 lor.......


呢段沙田郊野步行徑, 初段係石板砌路, 又好似唔難.....


噢, 原來接返泥徑ga.....


但似乎唔難行.....





咦.........., 有分叉路, 媽咪以前睇過膶腸叔叔的部落格, 轉右落係去道風山.....


但左邊會去華翠苑, 媽咪唔知華翠苑o係邊, 但按方向似去火炭果頭, 都係一樣三公里....    
 
雖然有告示話部分山路崎嶇不平, 只適宜有行山經驗人士使用



但究竟佢係講兩條路都係咁, 定係指去華翠苑呢

唔理了, 試下行去華翠苑先算





呢D係算崎嶇路嗎 ?



我話呢D先係


因為係石仔石級, 少少拮我腳仔.....


又話難, 又見石板砌路.....



o下, 維修路牌

點解行到呢度先豎立維修路, 條路掘爛晒, 仲要維修到 8月16日......


唔通行返轉頭咩.....


好彩有條大麻繩, 婆婆佢地拉住麻繩落都無問題ge....








我重心低, 僅無問題啦......


行完爛路, 我地見下山路已經鋪好石板....







回頭望, 原來下山的一段都幾斜, 怪不得要鋪靚條路, 方便行山人士.....



又到分叉位, 轉左去黃竹洋, 媽咪昨日剛好上網睇過, 好似係在火炭村再入的, 於是我地繼續往華翠苑方向行......


又崎嶇不平路, 其實對我地來講, 已經無難度.....





婆婆, 你 OK嗎


婆婆又唔難唔行, 夠勇


接到排頭坑配水庫....


似快完成郊野徑.....





我地見車路, 我地o係邊度呢.....


12:30pm就出車路, 原來係出返穗禾路, 咁行落去火炭, 都係行車路邊, 所以媽咪提議上小巴, 結束今日行程
都話早起有著數, 因為晨早唔會太曬同太熱, 行得好舒服, 我地食埋午飯, 兩點三就返到屋企,
仲有好多時間, 在家做下其他野, 我就同細媽睡了個午覺豬, 真係好好用

















































3 則留言:

  1. 洛洛,一早都話早起身有著數啦! 我哋一早去咗彭福跑啦! 而家先落緊雨 呀雖然係無打雷呀~但係落雨係真喎~
    [版主回覆04/22/2011 21:52:00]雖然雷聲大......(天文台預告), 最後雨點少.......(在市區)
    九龍區只係下了點點微雨咋.....
    但今日都好盡興

    回覆刪除
  2. 多謝洛洛咁詳細幫我哋記錄呢段路!下次或者迪蘇可以行啦~~
    [版主回覆04/22/2011 21:54:00]等迪奇好返D, 早D行, 唔會太辛苦
    你地應該 唔駛 3個鐘都行完

    回覆刪除
  3. ★珍妮 & 毛毛★2011年4月23日 上午1:46:00

    我今日雨都未見過一滴呀, 蝕咗啦
    [版主回覆04/24/2011 16:23:00]你唔蝕, 唔係瞓到好晏咩

    回覆刪除