100117再遊荔枝窩

今日好好天, 我地重遊大姨媽於08年4月6日(http://faphylok.blogspot.hk/2008/04/080406-part-1.html), 帶我地行過的一段路去荔枝窩, 阿妹太耐無街街去, 細媽批准佢有街出

我地10:10am已經到烏蛟騰, 但搞東搞西, 由老圍小巴站入去烏蛟騰郊遊徑入口, 已經係 10:45am , 起步要一路上石級去到300米高的轉接位

楊梅菇      

一起步就係全日最辛苦石級, 過晒就有平緩小徑, 今日同上一次唔同, 天氣好爽, 地面唔濕滑, 好好行 

上次有上去火山瞭望台, 但都要落返來, 唔上去喇

路標大使 - 阿妹

快到亞媽笏附近, 有個大草地, 可以望到印塘洲, 但煙霞多, 影相唔靚.....

細媽昨晚準備的鮮奶抹茶紅豆蛋糕

係紀念石碑, 建於民國 9 年, 記錄了捐錢起古道的善長........

如果唔想去荔枝窩咁遠, 可以轉去谷埔, 由鹿頸離開, 我地當然去梅子林方向...

上次來, 呢度好滑, 細媽話佢做左幾次 PK 小bb 喎

今次睇清楚, 又係每塊石屎枝印有樹葉圖案, 好有特色....

石砌古道...... 

想去荔枝窩, 可以有兩條路, 右邊經珠門田 / 梅子林, 我地未試過去梅子林, 等媽咪搵多D資料, 下次先去......

又見印塘洲, 好快到荔枝窩 ^^

又魚骨石路, 細媽今次無咁驚

進入荔枝窩自然步道...               

五指樟...........                             

又到木板步道, 上次細媽扭柴, 腳跟腫了成個月先好, 今次木板落級位刻了交叉紋, 好明顯成日有遊客叉錯腳, 所以要改善

霸道的榕樹.....                             

睇我係醒, 唔係霸道 GA

通心樹 - 秋楓.

荔枝窩舊客家村莊.....

呢D紋花玻璃, 依家應該無得買.....

到大廣場.........

我地又在大榕樹下食今日第二次午餐

可能剛好在路途中段, 比較其他村莊的食店, 呢度真係較多人

銀葉樹古林

白花魚滕及板根......

再去泥灘先......

背段紅樹林好靚.....

但今次好似無左矮大葉藻海草床, 唔通有季節性

要離開荔枝窩, 去三椏村了.....

小灘的舊村屋...

到三椏村了 ^^

我地今次選擇上犁頭山回烏蛟騰, 三椏村, 遲 D 又來探訪你

見到都有好多人, 在下路三椏涌行.......

唔知係咪今日好天, 來荔枝窩一帶特別行山人, 旺過旺角, 影相要等人走晒, 又要快手, 否則好快又第二批來

到烏蛟騰村 16:40pm, 連玩連食連影, 約12公里用左 6 小時, 好多人在小巴站等車, 好彩我地在路口截到的士咋

踏上回家途中, 今日在富善村至烏蛟騰的士來回, 每程 $84

媽咪又盤算緊 24/1 去邊呀