100109馬鞍下企嶺

好耐無去西貢行山, 今日媽咪重選08年12月13日行過的一段路

http://faphylok.blogspot.hk/2008/12/081213.html

我地今次直接由屋企坐的士上馬鞍山郊野公園燒烤場, 事關媽咪想瞓晏少少, 真係好懶 (車費+我+隧道費 = $114)

其實在耀安村有村巴上來, 但班次比較疏落........

燒烤場環境唔錯, 地方好大, 有廁所, 有地方走動, 有家樂徑 (約 1小時多路程), 媽咪問過清潔嬸嬸, 佢地話星期六日都唔係常常好多人來燒烤ga....

我地又係由馬鞍山郊遊徑起步, 細媽怕附近村狗, 又抱我行左過晒兩個路標點C3301 & C3302, 大約一公里多......  

好彩咋, 行左唔夠50米, 就有村狗走來, 其中兩隻村狗, 仲跟我地行左好遠添....

舊礦場附近, 都圍起了鐵網, 好難去探尋遺址.....

仲未可以行

過晒村屋, 我終於可以自己行 

今日一早天陰, 氣溫低, 濕度高, 地上泥土好濕潤, 我要著兩件衫先唔震, 為保溫暖唔流失, 我決定閉口唔張嘴          

慢步慢步上.....

我地又過C3304一半, 抵鹿巢山腳, 接上麥理浩徑第 4段匯合, 我地轉上企嶺下方向去大金鐘....          

行行下, 已經覺熱身夠暖, 唔需要著夾綿褸...

山上濕度高, 蜘蛛網掛滿水珠.....

睇下馬鞍山及企嶺下一帶.......

婆婆, 地面好濕滑, 慢慢一步步上, 唔屎急, 因為全程路好短, 我地大把時間o架....

過晒大金鐘, 今日都有人上落....

西貢都係好濛......                     

剛才過的一段路, 風大, 但好天氣來時.....

九曲山一帶景色好靚o架.............

有兩位叔叔同我地一齊山, 佢地今日來玩滑翔傘, 佢地終於起飛.......

見馬鞍山山頂...........

上馬鞍山頂, 過吊手岩落山, 一定要用繩索扶上落, 唔o岩老人家及狗狗行, 我地都係治麥徑繼續路程....

準備離開草地山岥, 轉入另一個境界....

今日濕度高, 泥地好滑, 大家小心翼翼落..........

企嶺下...., 視野好差......           

突然出現藍天, 太陽出來了.........

但我地進入茂密樹林間, 陽光照射唔到入地面, 地仍是滑..........

話你地知o丫, 我上山上斜時, 因為地滑, 成隻跣到在地, 媽咪在我身後, 睇到全程, 但我好快爬起, 當無事發生過 

又見全藍天, 馬鞍山山頂離我地越來越遠.....

陽光雖然照大地好耐, 地面仍未乾........

今日見好多呢種花, 好靚, 媽咪在書本見過, 忘記了名字.....

一路落斜, 一路濕泥滑地苔.....    

終於落到竹林, 唔屎落斜滑坡....

接回車路........

又入林徑, 但悠悠行, 好舒服, 唔再怕滑倒.........

今日無人來水浪窩營地露營, 得一位外國人帶兩隻狗狗上來散步......

今日9:30am到燒烤場, 10:00am 起步, 來到西沙公路麥徑 4 段起步點快 4:00pm, 全程用了 6小時, 比上次行多左成個鐘....  但無法啦, 頭大段泥路太濕太滑, 我地步步為營, 更要小心為上, 怕婆婆跣倒就麻煩, 安全D, 唔屎快