081214紫羅蘭及孖崗山山徑

因為婆婆前晚要睇歡樂滿東華, 所以今日媽咪揀左幾條路線, 都在同一點出發,但有難有易

先到黃泥涌峽道油站旁的小樓梯上大潭水塘水道

再往上行一小段往黃泥涌水塘.

媽咪問細媽同婆婆, 今日想行難定易, 佢地好一致答 : 僅係易啦

所以我地入水塘方向, 準備今日好易行程

經過昨日, 又加上半夜俾大風嚇親瞓唔著, 我o依家仲好攰咁呀, 仲好眼瞓, 笑唔出添

水塘霸盡頭, 有小梯落入一條小徑.

行不遠, 在左邊會轉上紫羅蘭山, 即大潭郊遊徑, 要行上436米山頂, 路段崎嶇不平, 比較難行, 留返下次先去

我地就繼續向前, 會有一個地圖同路柱註明我地今日路線 : 紫羅蘭山徑

起首係沿山徑引水道行, 雖然唔難, 但係熱門行山路線, 路比較窄, 人來人往, 大家都要相讓路      

我行左一陣, 熱左身, 心情放鬆, 臉容無咁緊

媽咪, 我笑得出啦

可能地點方便, 好多人帶狗地來跑步, 沿路都要細媽不停間中抱起我, 以免我吠大狗, 大狗又嚇親我

離開引水道, 接入茂林中

當踏入開揚路, 便要在崖壁開辟出的棧道行, 右邊係高企懸崖, 如果刮大風或落大雨都幾驚               

但無高樹擋, 天氣好, 淺水灣一帶景會更美

政府怕行山人有危險, 部份路段都加建鐡欄, 防止行人唔墮崖下.

但仍有部份位置未設攔, 要小心翼翼, 又要小心有石滾下.

無樹蔭, 好曬呀, 睇我脷仔伸咁長就知

細媽話媽咪有兩次出鏡機會, 好威喎

基本上, 山徑係繼續繞一圈接往大潭上水塘, 我地接回衛奕信徑往下走, 去我地今日目的地 : 赤柱

落山途中, 因為我曳曳, 走到樹叢內狂鑽, 太陽帽扯脫, 青蛙頭飾不見了, 媽咪不甘心30幾蚊無左, 就途手在枯樹中及亂草狂摷, 最後竟然在離現場10多呎外發現青蛙頭飾, 而媽咪雙手被枯枝刮花晒

細媽在相中所指係懷疑失飾現場, 黃圈就係頭飾最後被發現位置, 真不可思議

落到紫崗橋, 有4個方向行, 一係上孖崗山山頂(即衛徑 1段), 一係轉去大潭中水塘, 一係去淺水灣沙灘, 一係沿孖崗山引水道去赤柱, 即同第一選擇同目的地, 我地揀易者

又係一路引水道, 無難度, 係就悶D, 無咁辛苦lor

中途仲可以在樹間睇到淺水灣全景

我走到呢個山谷, 原來係已經好近馬路, 我俾車聲吸引, 望左好耐, 太入神了, 媽咪叫我繼續行都聽唔到                           

好似無止境的引水道, 終於同衛徑接回, 如果沿引水道續走, 會去到大潭篤水塘, 而我地就在此終止, 往下行

終點赤柱峽道, 係衛奕信徑第一段起點

10點半落車, 11點正式起步, 2點半完成行程, 時間尚早, 僅係轉去赤柱食午餐啦

嘩, 赤柱市集好多人喎

我地本來想食馳名西多士, 但太多人了, 我地惟有轉去海旁o既酒吧食野

揀邊D食好呢

最後我都係食返我o既雞條條咋 

海旁太多人, 都係影幾張相, 早d回家洗白白好過

今日行程圖