081207圓墩郊遊徑

又係我洛洛行山後寫日誌時候

碰巧大姨媽一家今日又係去大棠野外定向訓練, 我地10點抵達大棠郊野公園

首先同大姨媽一家打招呼同問路, 而我地先行自己出發, 大姨媽散隊後, 再匯合我地

我地在停車場下邊個燒烤場內的大棠自然教育徑起步

今日菜單係 : 圓墩郊遊徑, 約 13公里, 需時約 5 小時 

起步頭一段, 唔難ga  

今早起身, 天氣頗涼, 我都著齊衫褲防冷親

來到呢度, 直去, 轉左會去左南坑排ga 

今早, 太陽照來, 都好溫暖ar

要離開自然教育徑, 接上元荃古道

暫時都係易行山徑

來到有椿柱位, 阻止越野單車進入此範圍.

又到分叉位, 我地轉左往大欖涌水塘方向走

原來剛才行ge 一段叫南坑排古道呀.

到吉慶橋, 我地稍作休息同食下午餐

接著繼續往田夫仔方向行, 來到呢度, 有路牌指示往圓墩郊遊徑方向

剛好大姨媽打電話來, 佢已經完成訓練跑, 佢整頓後, 一人追來匯合我地, 叫我地記得所行路標, 怕我地去錯地方, 搵唔到我地

又係轉位點, 左方石級轉入圓墩郊遊徑.

開始一級一級上山了 

經過一大段石級後, 路面開始平緩易行.

又會步入竹林間.

又可以在樹間見到大欖涌水塘.

雖然都會有大石擋路, 大致上都好舒服ga.

好彩逢分支路都有路標, 大姨媽一定搵到我地

我地來到呢度, 花左3小時多, 大姨媽用左一個小時多D就追來搵到我地

   Yeah   

我地繼續行, 在山腰間轉來轉去

終於來到圓墩營, 因為時間唔早, 我地無再入內參觀小橋流水等景色呀

本來大姨媽想帶我地行去另一條路去清快塘, 我地才見到呢個蝴蝶園,

但睇返地圖, 可以仲要行多好多路先落到深井, 最後按原計劃折返原來路線行

最後1公里係馬路, 我已經好累了

終點喇但仲要行去深井水塘管理處轉落深井村先有地方食晚飯o架

圓墩郊遊徑長約 13 公里, 約需4.5-5小時, 我地今日行埋去深井, 行左14公里多d, 時間用左 6.5 小時連休息, 差唔多啦