洛洛手仔

上星期二開始, 我地發覺洛洛常常無聊時, 舔左手仔手指, 仲舔得毛頭打結, 我每天都檢查洛洛是否有皮膚病, 都唔覺係皮膚出事。

上星期五晚, 我觸摸佢手指仔關節, 洛洛即縮手, 而另外3隻手仔腳仔就無此現象, 即表示洛洛左手手指節可能有不適情況。 細媽話在前星期六行南涌時, 見洛洛曾在石級跣腳, 本來想星期六下午帶洛洛去睇Vet, 但細媽想多留意兩日先。

 昨晚10點多回家, 發覺洛洛手指節比前更紅, 但又無腫起現象, 為安心起見, 我即打電話去診所預約即晚來診。 剛好係Ceci 聽電話, 佢話洛洛由羅醫生睇開, 建議我改今日請假帶洛洛去睇羅醫生喎。 但我又唔想臨時請假, 而且又想知洛洛手仔有何事, 還是飛的士睇夜診。

經Vet 診斷後, 肯定否決了皮膚病可能性, 初步診定, 有好大機會行山或跑步追波時, 扭傷手指骨, 引至指節間發炎, 眼診無斷骨現象, 暫無需要照X-Ray, 開了一星期抗生素及止痛藥, 但今星期就唔可以跑步追波及行山了。

雖然夜診比日診稍貴, 但快趣知洛洛有何事, 都值回o架。