081026海下/灣仔自然教育徑

因為我腳仔早幾日有少少唔舒服, 唔可以行長程同崎嶇不平山路, 但媽咪又唔可以唔帶婆婆出外呼吸新鮮空氣, 所以今日又重臨海下, 加埋灣仔野外均衡定向徑輕鬆走

由海下村起步, 即大灘郊遊徑起步點, 慢慢行去灣仔, 只需要 30-40 分鐘咋,

而且整段路無太大出落, 好適合一家大細

但近年天氣反常, 10月尾仍然有猛烈陽光, 大人小朋友都要戴太陽帽,

好好保護自己一對寶貴眼睛o番

見唔見呀, 初段都係石屎路來, 唔難行, 但都要間中停下, 休息下

經過世界自然基金會的海洋生物中心, 就開始轉入泥地路

嘩, 玻璃底觀賞船係咁掛起喎

美麗的攔路坳內灣

到左灣仔喇

我地先行去往直昇機坪的分支路, 即均衡定向的13號 Point, 先影下松林樹影

嘩, 一入去松林, 我就好興奮四維捐, 四維鑽地, 搞到成日松葉針, 連太陽帽都玩甩到頸後, 頭髮凌亂, 打晒結, 四手腳毛毛同松針連成一個個蛇餅, 媽咪同細媽都俾我呢個可愛造型, 激到嘔白泡呀

結解完畢, 我同婆婆又坐返入松葉區, 真係唔理得媽咪佢地咁麻煩

好喇, 唔留太耐了, 原路出返去, 再轉去分叉路的右方, 準備先去西營地

今日想唔到有成 31度, 熱屎洛呀好彩因我腳仔問題, 改行呢度, 無行山咋

來到西營地, 雖然係有好大草地, 前兩星期, 皇瑟堡一班朋友仔都來過呢度玩, 但今日烈日當空, 四處無樹蔭, 我真係唔入去烈曬, 情願在樹底俾媽咪影相算數

沿西營地直上, 沿路植滿相思樹, 雖然花期已過, 但在樹蔭下慢行, 都係想心樂事.

一路上, 有好多蟋蟀同蚱蜢叫同跳, 我地仲發現一隻成4吋長大蚱蜢添呀, 見到地下遺下的無公德人員選下的包裝袋, 就知佢有幾大隻, 本來我想湊近佢一齊影, 佢竟然跳走, 真係衰

圍一整圈行, 都係呢D平坦路, 輕輕鬆鬆

有個位剛好植下小樹苗, 我地可以行出去欣賞下海下灣一帶

行左一半圈, 仲係兩旁樹

將近尾, 到左南營地, 我今年1月13日都來過o架

太陽開始準備西下, 陽光無咁猛烈, 呢度有街渡同快艇前往黃可碼頭,

唔想再行, 都可以坐船走             

離開灣仔南營地, 我地回程返海下, 在往大灘的分叉路, 有小徑落南風灣.

曾經好美麗的南風灣, 竟然變左垃圾灣, 但仍有好多人來好潛水喎, 相信近岸一樣同海下灣咁多珊瑚o勒

如果無垃圾, 呢張相會更靚o架

媽咪, 你今日好似唔係影太多相咋, 我擺返幾個pose俾你影啦

今日輕鬆走, 真係開心, 但下星期好似會有雨喎, 唔知去邊好呢

今日路線, 來回預 3 小時喇