網上睇, 西貢吊鐘花已盛開, 但婆婆行去西貢鹿湖一帶, 有點吃力.
今日又係例行大潭水塘.
大細媽問婆婆, 有無信心行上大風坳, 因為柏架山路一段, 有機會見到開左的吊鐘花.
婆婆話試下.
好.
在閘口出發時, 都好勁風.
好彩離開, 落到呢度好D.
上星期六無媽咪, 所以改左去獅子會, 今日來, 撞到大小姐, 但變左另一個印尼姐姐帶佢來行山. 相信我地相熟的姐姐有可能無做了. 因為我地識左都有接近四年.
暫時, 全山都係山茶花.
今日影到雀, 好彩呀.
呢個小朋友似驚我.
我都無吠你, 驚我D乜.
婆婆大叫, 仲唔落雨, 水塘乾喇. 其實年年都係咁啦.
今日都算好風, 桂花香味都吹散晒.
媽咪, 我地係咪過去.
上山嗎 ?
諗清楚未 ?
婆婆話佢會試下, 慢慢行, 應該可以.
咁唔改喇.
今日都好多雲, 太陽成日俾雲擋住.
明明上斜, 媽咪竟然影到我似落斜.
婆婆, 慢慢來.
中途, 終於見有吊鐘花, 雖然唔係大紅品種, 都算見到.
今日行呢度.
有無機會撞到熟人呢 ?
真係撞到糕點姨姨同叔叔成班. 姨姨一見到我地, 就話哎呀, 食晒糕點, 同好耐無遇到我地. 我地話有來呀, 應該係時間唔配合, 而且我地落左去大潭道. 吹完一輪水, 大家提早拜年, 再約下次再見.
婆婆慢上, 我當然大後跟住.
到轉彎位, 水源足, 植物生長唔錯.
臨快到大風坳閘位, 在我地遠距離, 目睹有個外藉跑步伯伯跌倒, 頭破血流, 成身血. 好彩旁邊有行山人幫手報警. 有幾位清潔姨姨好勁, 立即拎個大黑膠袋俾伯伯保暖, 媽咪都唔識呀.媽咪都幫唔倒乜野, 只能提供紙巾.
希望伯伯無大礙.
晏左, 行山人多左.
好勁煙霞.
抬頭望, 見到一棵盛放吊鐘花.
繼續行.
又見另一棵.
今次近D.
到燒烤區, 又小休.
今日都見好多野, 吊鐘王都開花.
仲見野豬.
到紅屋, 仲以為梅花未開, 原來都開晒正收縮中.
厚雲散了.
到英皇道就完成行程, 又要踏上長途車程, 回屋企飯堂喇.
沒有留言:
張貼留言