190112小半麥九徑霧裡來回走

自從婆婆要半退休後, 我地都無帶佢行太遠程郊野. 

但個個星期都行大潭水塘, 都想有少少新鮮感.

細媽提議來荃錦坳, 由麥徑第九徑起步, 行去桃花園就返轉頭.

係起步有少段稍稍斜咋, 相信婆婆應付到.

回程時間一定早, 早上少人, 咪慢慢耐心等車囉.

起步喇.

一片濛濛, 好大霧.

行極都係咁.

到直昇機場, 嘩, 大霧到呢. 仲有, 好多櫻花樹都無左, 唔通係上次山竹吹毀 ?

明明覺有陽光.

但前路就在仙境咁.

細媽又大叫話 : 紅葉呀.
但天上濛到呢.

都話有陽光啦.

陽光一出, 霧就散左好多.

婆婆, 等埋我呀.

急急追, 又追返.

到桃花園喇

但桃樹好似無晒呀, 望清楚, 好多都斷左或掘走或鋸短左.

桃花園失色了, 今年無桃花了.

得返幾棵樹幹.

起初以為要行個幾鐘先到, 又諗唔到咁短程.

一於再行遠D先.

火炭母花及果.

一於行到分岔位先回頭, 因為呢個有個流動廁, 方便婆婆.

記住, 就係過左M160.

返轉頭, 霧又來.

大霧山真係名乎其實.

我地一路行, 霧就一路濃.

距離遠, 更難睇清前面.

返到桃花園, 比剛才又大霧左.

細媽 : 洛, 你唔覺後面有問題咩 ?

有乜呀 ? 我唔覺囉.

陽光又出現.

霧又散, 遍地紅葉.

抬頭看返剛才棵楓香, 好紅呀.

到直昇機坪, 同今早起步時, 相差幾遠.

婆婆, 回程都係落斜, 慢慢行啦, 唔急.

婆婆仲好精神, 無好攰呀.

今日有定向活動, 有個 check point 係度, 竟然好多人會走入越野單車徑, 好多人都唔識睇地圖, 都好危險.

今日簡單來往都係兩小時十分鍾.
行返上荃錦公路, 仲諗住有掛先等到車來.
點知婆婆上到公路, 細媽就遠遠有的士由石崗開來.
好 Lucky 呀, 馬上截車, 好快又返到菇亭飯堂.