今日媽咪歸隊, 當然又係來城門河.
婆婆, 八乜野呀 ?
正經行, 否則有排都去唔到飯堂.
行行下.
細媽突然話今日係十五, 聽日尾禡, 公司有燒豬食.
快接近舊曆新年, 怪不得今日見石船換左新花.
要襯裝飾花仲係新.
我地影多幾張相.
其實未入石船時, 已經見有善導會慈善跑.
好彩唔係太多人, 又唔太跑得快.
否則, 我又行唔到.
今日除左係舊曆12月15, 仲係大寒.
今日又唔凍喎.
但聽日開始, 氣溫下降.
周二市區得12 度.
咪好凍囉.
但現在好好天.
想唔到天氣點變化.
昨日玩完.
暫時仲好好精神.
因為有目標, 亦知唔可以在沙燕橋轉去飯堂.
惟有努力行快D.
今日比較突然, 除外有個別人士抽我少少水外, 我俾三位街坊或跑步者勁狂抽水.
我又好鐘意, 有位姐姐仲抱高我企企, 叫媽咪幫佢同我影合照呀.
另一位街坊一見我就叫我洛洛, 咁我當然行過去, 同佢打下招呼, 頭仔hea 下佢.
媽咪話想唔到我今日咁乖.
因為我已學識親親人.
亦知有人讚.
始終, 我學左快 14 年.
由 cool , 生人勿近.
慢慢變接受陌生人觸摸.
到摸頭, 摸弄巴, 摸肚仔背背.
原來被鍚係好好的.
夠鐘, 要去飯堂. 又話大寒, 點解咁曬咁熱.
準備轉去隧道, 我又俾人抽我水.
但我好心急, 無停低, 一支箭向前.
真好陽光, 曬到背仔熱晒.
都係叫細媽抱返.
藍天白雲時, 就係夠鐘時份.
有D熱, 都係搵個吊扇低舒服D呀.
沒有留言:
張貼留言