180826天氣炎熱下

又話會有驟雨同雷暴, 唔敢似上星期呀, 同昨日咁, 瞓晏D先起身.

原來真係半夜 3 點幾掛起雷暴警告, 4 點 45 分取消, 大雨在新界北部.

180825不似預期 - 驟雨變酷熱

昨晚, 媽咪問, 今日去邊好, 細媽都唔敢決定, 因為話今日會有驟雨或雷暴.

惟有瞓晏D, 出來城門河行個轉, 去食午餐啦.

180819避雷雨黃雨

昨晚, 細媽一路講今日去食早餐定午餐好呢 ?

清早未夠 5 點, 佢見外面無雨, 就起身清潔, 跟住 5點幾, 叫我地起身.

梳洗好, 換好衫, 我又梳好毛, 正準備落樓等頭班車時, 大雨就來了, 仲有雷聲, 媽咪睇手機, 原來係雷暴警告,  雨越落越大, 6 點了, 大家又換返家常便服, 又返房瞓過.

 9 點, 媽咪手機鬧鐘提示響, 起身望下手機, 期間掛過黃雨呀, 今早好彩無拼搏照出發咋.

見雨都停, 一於又出動.

 

180818補祝婆婆 79 歲生日

昨日七巧節係婆婆踏入 8 字歲數的前一年, 即係79 歲舊曆生日, 因為我, 所以, 細媽諗倒改今日來西貢.

180817七夕醫生會

早排配左兩星期藥, 醫生有提, 如果食一星期, 情況好, 可以減左抗生素, 但一停, 軟便又來, 惟生繼續食埋餘下一星期抗生素啦.

星期六同日玩完, 星期一無便, 藥都食晒.

星期二晚, 細媽收工返來, 有便喇. 雖然唔係硬身, 都可以接受.

180812下雨也不怕

瞓到夠起身, 出面有陽光呀, 仲唔快手快腳咩.

飛的入大圍, 點知落車時, 又來大雨, 出左來, 婆婆無得走, 要跟住我地走.

180811一號熱帶低氣壓加黃雨

有個熱帶低氣壓在星期四傍晚進入香港 800 海浬, 仲掛一號戒備信號.

明明今日係星期六, 我已經清晨五點幾起身, 但大細媽都無學我, 摸黑起床.

到 7 點幾, 落到好大雨, 掛埋黃雨, 等左一星期, 今周無運行了.

媽咪都懶床到接近 10點先肯起身. 佢地見停左雨, 話不如出去行個圈, 順便食個午餐. 

今日係初一, 天文大潮, 出去都仲係黃雨, 我地走去睇下條河有無好似以前咁又水急, 又氾濫.

竟然無乜水, 見底, 唔通水利真係有成效 ?

但早排明明好多水流.

180805早步在城河 - 全民運動日

今早又摸黑起身, 媽咪話唔會又大雷雨卦.

來到小瀝源, 天氣唔錯喎. 

180804大雷雨後大潭

細媽早點起身清潔, 六點叫我地起身梳洗, 準備好晒, 正配出發時, 露台望向港島一面, 黑晒.

跟住媽咪聽到雷響, 一睇手機, 原來剛有零散雷雨由西南方向移來, 惟有留在家等雨過.

停雨即出發, 來到陽明入口, 都 8 點幾, 杷熟的朋友仔都應該走晒.