今早清晨起身, 大細媽先知半夜有雨, 仲有雷暴警告, 細媽話怪不得我三點幾唔願瞓, 原來聽到雷聲, 怪錯我.
今日, 媽咪無帶漏野, 所以可以早來到陽明山莊大潭郊野公園閘口, 整妝好, 7:40am 起步.
早出動, 都見多左朋友仔, 大家都爭取太陽高掛前來散步.
今日唔去苗莆段喇.
點行好呢 ?
不如行落少少再返轉頭啦.
本來起步時, 頭頂一大舊厚雲, 現在見藍天.
咦, 雲又多返, 會唔會有雨 ?
傻傻下, 落到水塘.
一於走個圈先上返去.
媽咪 : 洛豬, 你上咁高, 我地上唔到喎.
媽咪, 呢度無太陽曬, 好涼呀.
係時候上返去了.
陽光照住, 要做足防曬.
上斜, 我都係走左一段, 媽咪見我喘氣, 抱我上.
來到涼亭, 回氣大休, 飲下水, 食下雞肉乾.
突然見到兩個叔叔, 佢地話我地有口福, 因為甜品姨姨整左好多薑汁馬蹄糕, 但今日少人, 佢地見多左, 帶走, 唔好浪費. 撞到我地, 佢地唔駛拎住, 我地每人分到四件有多, 有食神.
平路, 自己行返.
咁樣來回走都幾好.
因為由陽明落返灣仔, 轉車返屋企好快.
到閘位, 我又要梳埋好, 入自己部冷氣車, 都未瞓夠, 好快就返到屋企飯堂呀.
返到屋企附近, 點解周圍都係水氹, 問飯堂姨姨, 原來無幾耐前先落左場大雨, 怪不得我地落水塘時, 頭頂咁多厚灰雲, 原來係咁, 驟雨無落在我地頭頂.
但我地都想落下雨囉, 連續 9 日持續 33度以上高溫, 不得了, 無雨, 制水就慘.
沒有留言:
張貼留言