180520摸黑出動開始日

酷熱警告都好似未取消過咁, 都係時候摸黑起身, 趕頭班車出發.

到小瀝源都係 6點半, 太陽雖然升起左, 但仲未高過山, 呢段路, 暫時都唔太曬.

太陽過左山頂位, 開始照在小瀝源河邊.

火熖花在藍天下, 又格外藍紅綠分明.

今早有風, 無陽光照, 其實都好爽快.

今日記得著埋 cooling coat, 就算陽光照住, 都唔似上星期咁熱.

出到河畔, 唔知仲見唔見到, 好耐無見幾位晨運姨姨呢 ?

幾個月無見, 姨姨認得我, 佢地話都覺奇怪, 我地失蹤左.
我地有解釋呀, 佢地話怪不得啦.

打後幾個月, 我地都會來晨運, 同幾位姨姨打招呼.

細媽話咁熱, 買大包, 唔駛行太遠先回頭.

你地睇, 未到 8 點, 幾好陽光, 有 30 度呀.

得B兩兄弟都來左, 但我地打算在瀝源橋打完咭就去飯堂.

要急急步, 唔好停.

來到飯堂, 飯堂多左一部超級大風機, 四面出風, 我地當然搵個好位, 舒服咁食個早餐啦.
食飽飽, 又要返屋企沖涼涼, 跟住同周公傾歇呀.