180318周日河畔婆婆玩失蹤

今日小瀝源河有跑步比賽, 所以我地預左在第一城起步, 怕婆婆早左落車, 吩咐佢落早左, 又途中遇唔返, 就各自行去飯堂.

點知係大細媽記錯, 險些早落.

昨日無午睡補眠, 我今早都唔係好想起身.

要行返一陣.

等回魂.

沙田一帶都開始種好多黃花風鈴木, 點解唔種下粉紅色 ?

春天花季, 但無花果科樹木就出果果.

紅棉一樣盛放.

我地輕輕鬆鬆.

慢慢行.

行下, 休息下.

三月杜鵑花.

我地在此打咭.

影住等婆婆由廁所出來.

平常, 婆婆會出來, 站在一旁等我地.

但今日情況唔同, 媽咪由廁所出來, 都唔見婆婆蹤影.
唔通佢以為我地去左飯堂, 但佢不嬲都企坐等我地喎.

當刻, 惟有立即向前追, 追左一陣, 遠處無婆婆身影, 回望又無.
惟有兵分兩路, 我同細媽向前追, 媽咪返轉頭, 睇下婆婆會唔會在廁所出事.

我同細媽到飯堂, 終於搵返婆婆, 細媽吩咐婆婆先搵位坐低, 我地返轉頭搵媽咪.

媽咪到公園廁所大叫, 無婆婆回應, 就立刻走去飯堂, 仲由捷徑走去.

媽咪見到婆婆在飯堂, 但唔見細媽同我, 叫婆婆唔好走開, 但婆婆又唔講見過我地, 搞到媽咪以為細媽搵唔到婆婆, 就四處去搵. 媽咪沿慣常來回兩轉, 都唔見我地, 惟有回飯堂等.

最後, 我同細媽折返, 齊人了, 但細媽同媽咪急步行到腳軟.
唉, 婆婆間中又玩下失蹤, 叫左佢唔見左我地, 就要企定定, 講極都自作聰明, 激死大細媽.

今日遲左成大半個鐘, 要快快食完返屋企, 我要洗完白白先可以瞓覺豬呀.