180311例行晨步

今日晨早, 陽光照來, 眼都唔可以開.

又係例牌行城門河.

今日有少少特別, 就係媽咪半夜唔舒服, 又嘔又痾, 臨上車前, 又嘔多次, 但最後都頂住上車.

佢無心機影相.

我昨日玩完, 都覺攰.

早餐都攰到未想食.

咁我留返去飯堂先一齊開餐啦.

近來, 風鈴木開花, 唔開花都唔知係乜樹.

呢段季節, 陽光照住就熱, 無陽光照就冷.

媽咪可能咁就冷親.

媽咪, 你唔舒服, 快D打咭啦.

我知打埋呢張就行得.

Yeah, 快快走去霸位.

媽咪, 唔好影, 快快食完, 早D返屋企休息啦.