昨日下午, 休息夠, 但今早又摸黑起身, 都係覺又回魂.
清晨一場驟雨, 將悶熱趕走, 但都係著定 cooling coat 穩陣D.
今日又見另一款大菇, 張開可以遮晒我個頭, 因為在圍欄內, 我唔可以同佢一齊照.
厚雲一團團, 擋左陽光.
唔直曬, 好舒服.
咦, 遠遠有好大片雨雲, 由獅子山方向掃緊來.
馬鞍山一方有陽光, 一邊有微雨粉, 見到彩虹呀🌈
細媽話好少見, 今日俾佢見到.
難得.
彩虹慢慢消失, 因為大驟雨移近我地, 好彩我地剛到天橋底.
在天橋底避左一陣雨, 見細雨, 又急步到另一橋底, 雨又大返, 都係再留一陣.
驟雨快來快走, 我地又起步.
本來, 手腳好乾爽, 現在都濕晒.
媽咪話反正要大清潔, 又唔係太熱, 除左 cooling coat.
我即時輕盈左, 仲又跳落地, 激死大細媽.
雨後陽光.
我仲以為呢度打咭後, 就可以回頭, 表錯情.
我又跳入花叢, 玩到腳仔都係砂泥.
仲要表演阿伯跳躍, 我身手仲好敏捷呀.
行行下, 到左打咭位, 唔見左細媽同婆婆.
去左邊呢 ?
唔通佢地一早轉左去飯堂 ?
仲未見喎 ?
擔心死我.
原來佢地人有三急, 我都放心D
安樂左, 笑都靚好多.
厚雲走晒, 藍天出現, 會好熱, 都係快快走.
今日未到 9 點就晨運完畢, 即係周末活動結束, 下星期又好似陽光中有驟雨, 相信安排都一樣.
希望媽咪唔駛要參加活動啦.
沒有留言:
張貼留言