170610酷熱早步在大潭

一連幾日都 30多度以上, 預早知今日都好熱, 媽咪話唔通兩日都摸黑去城門河咩.

於是決定更早出發, 今日又行大潭水塘.

酷熱下, 點都要出去運動下, 解決方法:
1. 晨早出發, 今日7 點多起步行,
2. 帶風扇仔
3. 帶足夠水同雞肉乾,
4. 帶冰袋冰包,
5. 重要著埋 Cooling Coat.😇

朝早已經陽光普照, 而且仲有成 28 度.

細媽話來陽明山莊咁遠, 我地唔係呢頭街坊, 7 點半起步都算係早.

幸好, 途中都有樹蔭, 同蔭位, 仲要陣陣風.

所以, 今日行得好舒服.

可能早左, 見唔到熟街坊, 或者熱, 人地已經行完返屋企.

水塘水位又升高左少少.

幾時先滿呢 ?

細媽又大叫, 因為佢又發現條大肥蝴蝶蟲, 仲粗過婆婆肥手指, 而且仲有對假大眼.

可能有風, 又著埋 cooling coat, 都唔算熱.

正常脷仔.

又要揀邊條路落大澤篤水塘, 由我話事, 我揀由柏架山道落, 唔經霸底.

婆婆, 少少斜上啫, 跟住平路加落斜啦.

唔好以為無擋好曬, 只係一少段仔.

開始斜落.

今次係毛毛蟲, 唔係樹種子, 細媽彈開中....

又到平路, 去涼亭少休飲下水先.

大人開遮擋陽光.

好好天呀, 風景好靚.

接住過每道石橋.

最後一道, 望到大霸.

好快又完成今日遠足之旅, 輕鬆又玩左兩個半鐘.
又要回程長途之旅, 好彩有風扇仔同冰袋, 我又可以安心, 又舒服在私家車內大覺瞓了😝