2016年11月19日

161119瘤驚魂 ?

星期二晚 9 點幾, 安頓好, 坐在梳化休息, 突然大腿後方近臀部位置好痛, 仲越來越痛, 連小腿後的肌肉都覺痛. 以為唔知幾時, 又唔小心撞親. 入房一摸, 大腿後皮膚底, 摸到在肌肉生出一粒半邊蓮子大的腫粒, 按下仲痛, 附近肌肉都硬晒, 好驚呀. 用手機影張相, 係無瘀, 但似有一粒野在皮膚下突起. 臨瞓時, 腫粒又似消失, 摸唔返, 但全腳後半部都覺痛同好實. 好擔心, 會唔會係脂肪瘤 ? 因為脂肪瘤有遺傳, 婆婆生過, 家姐都有過, 細媽都有. 唔通我的係生在肌肉, 壓住神經線, 所以會痛 ?

本來想下星期先去睇醫生, 細媽昨日好早就提醒我打電話去門診預約, 佢話好睇好知乜事. 有左上次幫婆婆約門診經驗, 知程序, 一打就約到 09:05am.

昨晚, 又摸到突出少少的腫粒, 連婆婆都摸到, 佢仲想按下, 一輕按己覺痛, 諗緊, 係咪要轉介專科呢 ?

可能又出現候群症, 坐車開始, 好似呼吸困難, 到醫院附近, 心口好緊.

新症有本薄仔跟身, 以後去睇門診, 要次次帶住.

新症要量血壓度高同重. 但竟然要再等多 15分鐘再量血壓, 點解呢 ?

等候期間, 胸口厭悶, 肚又扯住痛, 以為又瀉, 但去廁所又無瀉喎.
心仍急速跳, 但翻量, 心跳仍在正常範圍, 但似比我以前記錄快左好多.

終於因為量兩次血量, 搞到等左接近一個鐘先可以見醫生.
醫生有摸, 但都係摸唔到, 但一按附近, 肌肉就痛, 醫生話起初聽, 都驚我有癌細胞瘤, 但癌瘤係唔會縮細, 而且我都唔係第一次突然痛, 只係今次摸到腫粒, 應係肌肉常常發炎引起.

開止痛藥同冬青膏俾我止痛.

我都希望係咁簡單, 虛驚一場呀.

點都好, 仲係要繼續留意, 自己跟進.



2 則留言: