160109八度澳東古道

又摸黑起來, 搭到 0750車, 轉左兩次車, 我都好似如在夢中.

想行東澳古道, 我地定必早起入大澳, 所以應係對我地係"澳東古道"呀.

0900起步, 由大澳市中心, 都係被抱, 快快過晒新基橋.

穿越棚屋.

終於, 到我自由行了.

 今日起身都係 17度左右, 現在溫度舒適, 又無雨, 唔太曬, 是行山好時機.

放縱走.

早上少行山人, 又夠寧靜.

媽咪近排腳架隨身, 我地要多些合照呀.

無情山火, 將一帶樹草燒毀, 我地咁多次行呢度, 呢次係第二次見到, 比上次更嚴重.

又要等一段長日子先可以生長成高樹了.

大嶼山與珠江三角洲一帶海域, 本來有很多白海豚, 而且很美.

,但突兀的一條港珠澳大橋劃破海域, 令白海豚失去家園.

也令美景破壞了.

我的美麗古道, 期盼快回復舊貌, 怕大雨來, 泥石欠了樹根草根抓緊, 好易會山泥塌下.

踏入石屎小徑, 全家又想起了兩年前黃雨下腰斬行程.

細媽話點解當時會冒雨及雷電, 行泥路折返大澳, 唔係去深屈村暫避 ?
當時咁大雨, 又唔知持續幾耐, 向前行, 要 4 個鐘, 回頭 1.5 小時, 若全程愛的抱抱, 細媽無咁辛苦.

我今日係羊咩造型, 其實我間中扮下狼叫喎, wu wu.....

一抵深屈村, 好多小朋友來歡迎我, 其實我驚呀, 震晒.

你地行開啦, 我係阿伯, 唔同細路仔玩.
有個短腳小黃狗, 唔小心趴在石壆, 唔上唔落, 好搞笑.

最後, 佢地對我無興趣, 無跟來了.

上斜.

美麗板根.

今次路過沙螺灣村, 無去碼頭呀.

呢度圍村大石門, 好耐無合照.

藍天又唔熱, 婆婆享受中.

到觀景涼亭, 有無咁大風呀.

定下風, 等我扮下型仔好卦.

下次來, 機場又被大橋遮擋晒了.

散石村.

接近了市區, 細媽本來想我坐私家車, 我堅持行多段.

東涌河一帶天然生態好珍貴, 希望能受關注不被破壞.

本來怕婆婆攰, 原打算在逸東邨坐車到東涌市中心, 但婆婆話行埋啦, 我地堅持行晒全程, 3 點到車站, Yeah.
但點解行左成 6個鐘, 點解o既 ?