130727愛在晴雨間

上星期日睇天氣預告, 仲打算今日去游水, 點知臨近週末, 又黃雨又雷暴, 怕今早又係咁, 惟有改聽日啦
清早起身, 全地都濕晒, 昨晚一定好大雨, 細媽又俾媽咪瞓多陣, 等地乾先
見天氣穩定返, 我地又入來沙田行下



真係想唔到咁好陽光呀

本來熱天預左個個星期游水一日, 呢個夏季, 雨水比往年多, 我地都失預算, 數下日子, 下月7 號立秋, 即係今年可以游水的日子唔太多了 

但入秋後, 天氣涼, 我地咪可以開始行山o羅, 媽咪腳痕好耐呀

呢叢龍船花比上星期更茂盛, 等我以燦爛笑容襯托下佢先

剛剛下了一場細雨, 出到城門河, 又停了, 我地望去大圍一邊, 雲層仲好高

又晴又雨都無所謂啦

藍天下, 陽光曬一曬, 塊地又好快乾返

三星期前, 呢棵花仲係剛出花苞咋, 今日全棵染紅

想唔到未夠二十分鐘, 大圍果邊見有雨正向我地方向吹來....

剛好見有蓋坐椅, 我地在此避大雨,  點估到又雨又陽光, 真玩野

唔留啦, 不如襯雨細了點, 細媽抱我, 急急行去沙角邨食午飯先

細媽打算行到5 點幾先走, 好彩飯後雨停, 陽光又出現

雨後雲厚了點, 無咁曬, 仲好啦

到沙鵲橋, 呢兩位朋友仔又係好悠閒地午睡, 雖無大屋住, 但有得食, 有瓦遮, 比在山邊流浪的狗地, 已經好幸福 

我諗唔會又來大雨卦, 我今日都未乾身過

嗱, 又係晴天下, 但大圍又係在厚雲中, 會唔會又雨呢

係會有雨, 我地剛好行到有瓦遮地方, 外邊正下雨, 我地在石櫈上, 望對岸雨雲慢慢移離

又停雨喇

我地想行埋去划艇會先回頭, 唔好又落雨呀....

唉, 又係剛好到廁所旁有蓋休憩地, 又落起大雨, 又要避雨, 悶屎我

我地預左今日又晴又雨, 點想到真係每次落雨時, 都剛好去到有蓋地方, 似乎天公都幾眷顧我

終於到今日目的地, 回頭去大圍喇

沙田文化館近期有李小龍展, 但我地都無興趣, 而且我又唔入得呢

到大圍, 又開始落雨, 唔怕, 我地好快上車回家喇
大家可能話, 乜次次又係城門河畔, 唔去發掘新地方
其實我去邊都一樣, 天氣咁熱, 又唔可以行山, 又時晴時雨, 我地兩婆孫安全要緊
香港係好大地方, 但到此一遊, 周圍去打咭鐘對我無意思, 我只要自由自在, 每星期有得出去玩就足夠