大浪西灣狗媽群

今日又去大浪西灣搵狗媽
好好彩, 我地在四疊潭河口玩水時, 狗媽由麥徑行落來浸水, 媽咪一見佢, 即叫佢唔好走開, 佢似乎認得媽咪



因為上星期日剛食完避震丸, 今日只係餵佢食包

佢食得相對斯文....

突然間, 細媽大叫, 原來有另一隻黑狗在媽咪對後河另一邊, 媽咪諗住都埋去餵佢食包....

點知埋佢, 黑狗企起身, 原來係一隻生過BB的狗媽媽, 奶珠好大, 都唔知係咪剛生完, 定係生了幾胎, 收唔到身, 再望多望, dup 耳仔, 又好似大細妹嫖媽, Help 

唔埋係咪, 係狗媽狗女都餵丸, 媽咪即返去背囊拎避震丸餵佢, 順便餵埋包包

當餵晒包, 媽咪本來想同我玩多陣水, 有兩隻我地見過的黃啡及奶色的雄狗行出來, 媽咪諗住拎埋包雞片餵佢地, 點知隻黃啡雄狗想搞疑似大細妹媽, 可能狗媽起水呀, 好彩狗媽拒絕仲加埋上星期日食了避震丸, 希望藥效令佢唔中獎啦, 惟有順天意

另外, 之前的獨行狗媽媽, 自從 2/6 見過, 又失蹤了, 好擔心