130721久違的獅子會

本來昨日細媽返長週, 打算黃昏行, 今日就去西灣玩水o架
但昨日不時都落起驟雨, 又有雷暴警告, 昨日都無出街, 媽咪又怕在西灣回程時有大雨, 無的士肯入西灣接我地, 連玩水活動都取消埋
細媽話既然都要沖涼, 唔好又係行城門河咁悶, 好耐無去獅子會, 仲有



就係可以滿足我掘泥願意

掘泥可以順便磨趾甲

又滿足我至愛玩意

你地睇, 我每次都掘到好肉緊o架

行城門河就無得掘泥, 少左好多樂趣

以為今日都會落下驟雨...

但都算幾好天o架...走去睇下荷花池有無開花先.....

上年錯失好時機, 今日雖然唔係盛開, 起碼唔係爛葉

好似無風, 等我開個大風扇先

加埋清涼溪水....


爽晒

出左來, 要玩得開心, 預左全身污糟, 轄出去, 唔好介意先係o架

媽咪佢地最鍾意我跑得暢快....

所以我又滿足佢地....

除左開風扇.....

加埋我可愛扮傻樣, 佢地足夠叉滿一週能量去返工賺錢

今日行草地要好小心, 好多一俊隻跳跳下, 細心望真, 原來好多未夠 1 CM 長的小小青蛙呀....

平時出去行山, 行城門河或來獅子會, 都好少見同我差不多樣的絲毛嗲利o架, 今日有幸見跟同我同品種, 又差不多年紀的朋友仔

可惜我地兩個都怕羞, 唔肯行近些合照

想唔到中午都無雨, 頭頂開天窗好曬, 但又遠遠見又厚又黑的雲, 真係好難估計天氣...

玩到全身又泥又沾滿草葉, 又係盡興回程時刻, 去埋老闆娘度食個豐富午餐, 又滿足回家
下星期六日又一連兩日假期, 希望天氣容許, 可以去西灣, 因為要搵狗媽媽呀