130707西灣暢泳迎小暑

話知天會降下驟雨, 我地都決意今日去西灣玩水, 因為今日係小暑呀.


我地出門時, 剛好遇上大驟雨來臨, 全家冒雨行去坐小巴, 連我都有濕
但雨在小巴車程中途已經停, 仲見有藍天呀 

又唔算太熱, 仲有風, 都預左濕, 落下驟雨, 駛乜怕

聽日係初一, 今日潮汐漲退幅度較大, 我地咁早來, 沙灘面積會比平日少, 但每年河道都智將沙灘容貌改變, 年年都唔同 

或者今早大驟雨, 三隻大黑拉無來, 大細媽打算過去崖壁果邊玩....
但我好驚呀.....



終於試左幾次, 我見媽咪同婆婆都過晒河, 局住來.....

我都幾笨, 竟然搵條長路過河


過河後, 心都安樂晒

今日同我地一齊落沙灘的小唐狗, 佢係外藉爸媽收養返來, 佢爸爸話估計佢約兩歲, 爸媽同姐姐一齊陪佢來西灣游水 

佢好活潑, 又好玩, 好乖巧, 相信在呢個家庭, 一定活得好開心

佢媽咪同姐姐在岸上望佢玩, 爸爸陪佢落水玩....


我地都希望所有毛孩可以似佢咁, 搵到一個溫馨的家

呢邊浪大, 唔適合我呢....

一於過返河, 行去副灣果邊睇環境

嘩, 副灣近河口唔大浪, 好o岩我

一於在此落腳....

水位有淺有深, 我可以慢慢行出去河邊玩

婆婆在我地視線範圍行....

水底泳姿....

海狗

想唔到雨後咁好天....

玩到差不多時間, 又餵埋狗地食包同丸....


都係回程了....

係咪天公對我家好呢, 唔駛出入都遇雨, 當我地返到屋企, 天色變黑, 翻起大風, 我地避開了雷暴警告同黃雨呀.